الداعى ءۇش كۇن وڭتۇستىكتە 46 گرادۋس اپتاپ، ال سولتۇستىكتە ىستىقتىڭ بەتى قايتادى

استانا. قازاقپارات - قازگيدرومەت سينوپتيكتەرى 6-8 -ماۋسىم ارالىعىنا ارنالعان ءۇش كۇندىك اۋا رايى بولجامىن ۇسىندى، دەپ حابارلايدى قازاقپارات.

قازاقستان اۋماعىنىڭ باسىم بولىگىندە اتموسفەرالىق فرونتتاردىڭ اسەرىنەن تۇراقسىز اۋا رايى بولادى. وتكىنشى جاڭبىر جاۋادى، نايزاعاي جارقىلدايدى.

6 -ماۋسىم - باتىستا، 7-8 -ماۋسىم - سولتۇستىك- باتىستا، 8 -ماۋسىم - سولتۇستىكتە قاتتى جاڭبىر جانە بۇرشاق جاۋادى.

ەلىمىزدىڭ وڭتۇستىگىندە عانا جاۋىن- شاشىنسىز ىستىق اۋا رايى ساقتالادى.

6-7 -ماۋسىم كۇندىزگى ۋاقىتتا سولتۇستىكتە، 6 -ماۋسىم ورتالىق پەن شىعىستا 41+ گرادۋس دەيىن، 8 -ماۋسىمدا وڭتۇستىك- شىعىستا 41+ گرادۋس دەيىن، ەلىمىزدىڭ وڭتۇستىگىندە 46+ گرادۋس دەيىن وتە قاتتى ىستىق ساقتالادى.

8 -ماۋسىمدا سولتۇستىك- باتىس پەن سولتۇستىكتە ىستىق 22 + 30 گرادۋس دەيىن تومەندەيدى.