قىتايدا كوروناۆيرۋس جۇقتىرعانداردىڭ 46 پايىزى ساۋىعىپ كەتتى
اقپاراتتى ق ح ر دەنساۋلىق ساقتاۋ ماسەلەلەرى جونىندەگى مەملەكەتتىك كوميتەتىنىڭ دەرەكتەرى راستايدى، - دەپ حابارلايدى ريا نوۆوستي.
سوڭعى مالىمەتتەرگە سايكەس، قىتايدا كوروناۆيرۋس جۇقتىرعانداردىڭ راستالعان سانى 78824 ادامعا جەتتى، ونىڭ ىشىندە 36117 ادام ەمدەلىپ، اۋرۋحانادان شىعارىلدى، بۇل سىرقاتتانعانداردىڭ جالپى سانىنىڭ 45,8 پايىزى. قازىرگى ۋاقىتتا اۋرۋحانالاردا 39919 ادام جاتىر.
حۋبەي پروۆينسياسىن ەسەپتەمەگەندە بۇكىل قىتاي بويىنشا ىندەت باستالعاننان بەرى بارلىعى 12910 جۇقتىرۋ وقيعاسى تىركەلدى، ونىڭ ىشىندە 106 سى ولىممەن اياقتالدى، ءولىم-ءجىتىم - 0,8 پايىز.
ال ىندەت وشاعى حۋبەي پروۆينسياسىنىڭ وزىندە ۆيرۋستى 65914 ادام جۇقتىردى، ونىڭ 2682 سى قايتىس بولدى، ءولىم-ءجىتىم - 4 پايىز.
سوڭعى ۋاقىتتا قىتايداعى ەپيدەميولوگيالىق جاعداي جاقسارىپ كەلەدى، سوڭعى تاۋلىكتە ەل بويىنشا ۆيرۋستى 327 ادام جۇقتىردى، ايتا كەتكەن ءجون، حۋبەيدەن تىس جەرلەردە مۇنداي توعىز عانا جاعداي تىركەلدى. العاش تاۋلىگىنە شىعارىلعان پاتسيەنتتەردىڭ سانى 3 مىڭنان استى. وتكەن تاۋلىكتە 44 ادام قايتىس بولدى، ونىڭ 41 ى حۋبەي پروۆينسياسىنان.
بارلىعى ىندەتتەن 2788 ادام ومىردەن وزدى.