قازاقستان سىرتقى نارىققا 46 جاڭا تاۋار ءتۇرىن شىعاردى

None
None
 استانا. قازاقپارات - قازاقستان سوڭعى 8 جىلدا سىرتقى نارىققا 46 جاڭا تاۋار ءتۇرىن شىعارا باستادى. بۇل تۋرالى ق ر ينۆەستيتسيالار جانە دامۋ ءمينيسترى جەڭىس قاسىمبەك فەيسبۋكتەگى پاراقشاسىندا جازدى، دەپ حابارلايدى قازاقپارات.

«اتامەكەن» ق ر ۇ ك پ باسقارما ءتوراعاسى ابىلاي مىرزاحمەتوۆپەن بىرگە «قازاقستاننىڭ ۇزدىك تاۋارى» رەسپۋبليكالىق كورمە- كونكۋرسىنا قاتىستىق. قۋاناتىن جايت، ايماقتىق كەزەڭنەن ءوتىپ كەلگەندەردى قوسقاندا كونكۋرسقا 1150 دەن استام ءوندىرۋشى قاتىستى. بيىل جاڭا ءونىم تۇرلەرى بار جاڭا كاسىپورىندار كوپتەپ كەلىپتى. بۇل وتاندىق ءونىم نومەنكلاتۋراسىنىڭ ءوسىمىن كورسەتەدى. كورمەدە ءتۇرلى باعىتتاعى تاۋارلار كەڭىنەن ۇسىنىلعان ەكەن. اتاپ ايتقاندا، ماشينا جاساۋ ونىمدەرى، IT جانە تەلەكوممۋنيكاتسيالىق جابدىقتار، اياق كيىم جانە باسقا دا كيىمدەر، ليفتتەر مەن ارلەۋ ماتەريالدارى، فارماتسيەۆتيكالىق ونىمدەر، جيھاز جانە تاعى باسقا دا كوپتەگەن ونىمدەر بولدى. بۇل كاسىپورىندار مەن جەكە كاسىپكەرلەردىڭ ءوز ونىمدەرىن وتكىزۋگە جانە ىلگەرىلەتۋگە مۇددەلى ەكەنىن كورسەتەدى. مەملەكەت باسشىسى جولداۋدا وتاندىق كاسىپورىنداردىڭ تۇتىنۋ تاۋارلارىنىڭ كەڭ اۋقىمىن مەڭگەرۋگە، بىلايشا ايتقاندا، «قاراپايىم زاتتاردىڭ ەكونوميكاسىن» دامىتۋعا نازار اۋداردى. بۇگىنگى تاڭدا مەملەكەت بيزنەستى قولداۋعا باعىتتالعان، اسىرەسە وڭدەۋ سەكتورىنداعى ەكسپورتتاۋشىلاردىڭ ءوسىمىن ىنتالاندىراتىن ءبىرقاتار كەشەندى جۇيەلىك شارالار قابىلداۋدا» ، - دەپ جازادى مينيستر.

 ÒšÐ°Ð·Ð°Ò›ÑÑ‚ан сыртқы нарыққа 46 жаңа тауар түрін шыÒ

 مينيستر دەرەگىنشە، 2013-2017 -جىلدار ارالىعىندا قازاقستاننىڭ جالپى ەكسپورتىنداعى وڭدەۋ ونەركاسىبىنىڭ ەكسپورتتىق ۇلەسى 23 پايىزدان 32 پايىزعا دەيىن ءوستى. ەلىمىزدىڭ سىرتقى ساۋدا اينالىمى 25 پايىزعا ارتىپ، 69,5 ميلليارد ا ق ش دوللارىنا جەتتى، ەكسپورت 30 پايىز ءوستى جانە 48,3 ميلليارد ا ق ش دوللارىن قۇرادى. يمپورت 29,3 ميلليارد ا ق ش دوللارىن قۇراپ، 15,5 پايىزعا ارتتى.

«بيىل ەكسپورتتىڭ وڭ تەندەنتسياسى ساقتالۋدا. 2018 -جىلدىڭ 7 ايىنداعى دەرەكتەر بويىنشا ەكسپورت 34 ميلليارد ا ق ش دوللارىن قۇرادى. بۇل وتكەن جىلدىڭ سايكەس كەزەڭىمەن سالىستىرعاندا 26 پايىز جوعارى. تاۋارلار ەكسپورتىنىڭ قازىرگى گەوگرافياسى 123 ەلدى قامتيدى. ولارعا شامامەن 800 تاۋار ءتۇرى ەكسپورتتالادى. سوڭعى 8 جىلدا قازاقستان سىرتقى نارىقتارعا 46 جاڭا تاۋار ءتۇرىن شىعاردى. اتاپ ايتقاندا، رەلستەر، اۆتوموبيلدەر، كۇن پانەلدەرى، گاز قازاندىقتارى، جىلتىر پليتالار، كارتريدجدەر، پوس- تەرمينالدار، بيە ءسۇتى، اليۋمين پروفيلدەرى، قۇبىرجول ارماتۋراسى، شىراعداندار، ەلەكتروۆوزدار، شاتىر ماتەريالدارى، پوليمەردەن جاسالعان مەديتسينالىق بۇيىمدار، IP- MEDIA كوممۋنيكاتورلارى» ، - دەدى جەڭىس قاسىمبەك.
Қазақстан сыртқы нарыққа 46 жаңа тауар түрін шыÒ

سوڭعى جاڭالىقتار