جۇمىسسىز قالعاندار بۇرىنعى تابىسىنىڭ 45 پايىزىن التى ايعا دەيىن الىپ وتىرماق

None
استانا. قازاقپارات - جۇمىسسىز قالعان ازاماتتارعا الەۋمەتتىك ساقتاندىرۋ جۇيەسىنە جارنا تولەگەن ۋاقىتىنا سايكەس 6 ايعا دەيىن بۇرىنعى تابىسىنىڭ 45 پايىزىن تولەۋ ەنگىزىلمەك.

بۇل تۋرالى سەناتتىڭ جالپى وتىرىسىندا الەۋمەتتىك كودەكس جوباسى مەن ىلەسپە زاڭ جوبالارىن ءبىرىنشى وقىلىمدا تالقىلاۋ كەزىندە ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا ايتتى، دەپ حابارلايدى قازاقپارات ءتىلشىسى.

«قازىرگى ساقتاندىرۋ جۇيەسى الەۋمەتتىك تاۋەكەلدىڭ 5 تۇرىنەن ساقتاندىرادى. بۇل - حالىقارالىق ستاندارتتارعا جانە ناقتى ەكونوميكالىق جاعدايلارعا ساي كەلەتىن جۇيە. سوندىقتان، ونىڭ نەگىزى ساقتالادى. دەگەنمەن، ماقساتى وزگەرەدى. جۇيە الەۋمەتتىك تولەم تولەۋگە عانا باعىتتالماي، ەڭ الدىمەن، ازاماتتاردى فورمالدى جۇمىس ىستەۋگە ىنتالاندىرۋدى كوزدەيتىن بولادى»، - دەدى مينيستر.

بۇل رەتتە ول ۇسىنىلاتىن وزگەرىستەردىڭ باستى ترەندى بىرىنشىدەن - جۇيەگە مەملەكەت، جۇمىس بەرۋشىلەر مەن جۇمىسكەرلەردىڭ قاتىسۋى ەكەندىگىن اتاپ ءوتتى.

«ەكىنشىدەن - جۇيەگە قاتىسۋ ۋاقىتى مەن الەۋمەتتىك تولەمدەر اراسىنداعى بايلانىستى كۇشەيتۋ، ۇشىنشىدەن الەۋمەتتىك جارنالارىن ۋاقىتىلى اۋدارىپ وتىرعان جۇمىسكەرلەرگە ساقتاندىرۋ قورلارىنان الەۋمەتتىك تولەمدەر مولشەرىن كەزەڭ-كەزەڭىمەن ۇلعايتۋ بولماق. مىسالى جۇمىسسىز قالعان ازاماتتارعا الەۋمەتتىك ساقتاندىرۋ جۇيەسىنە جارنا تولەگەن ۋاقىتىنا سايكەس 6 ايعا دەيىن بۇرىنعى تابىسىنىڭ 45 پايىزىن تولەۋ قاراستىرىلىپ وتىر»، - دەدى تامارا دۇيسەنوۆا.

سوڭعى جاڭالىقتار