قازاقستان الداعى ءۇش جىلدا 45 ۇشاق ساتىپ الادى

None
None
نۇر-سۇلتان. قازاقپارات - بيىل ەلىمىزدە 9 اۋە كەمەسىن ساتىپ الۋ جوسپارلانىپ وتىر، دەپ حابارلايدى قازاقپارات ءتىلشىسى.

«بىزدە ءار اۋە كومپانيانىڭ ۇشاق ساتىپ الۋ بويىنشا جوسپارى بار. سوعان سايكەس 2025-جىلعا دەيىن 45 تەن استام اۋە كەمەسى الىنباق. مىسالى، بيىل «Air Astana» مەن «FlyArystan» كومپانياسى 2 اۋە كەمەسىن الدى. 27- ماۋسىمنان باستاپ «Air Astana» جانە «FlyArystan» - نىڭ كەستەسىندە جاڭا اەروبۋس پايدا بولدى. سونىمەن قاتار بيىل جىل سوڭىنا دەيىن اتالعان 2 اۋە كومپانياسى تاعى 5 اۋە كەمەسىن ساتىپ الماق»، - دەدى ق ر ي ي د م ازاماتتىق اۆياتسيا كوميتەتى ءتوراعاسىنىڭ ورىنباسارى سالتانات تومپيەۆا و ك ق- تە وتكەن بريفينگتە.

ونىڭ ايتۋىنشا، بيىلعى جوسپار بويىنشا 9 جاڭا اۋە كەمەسى ساتىپ الىنادى. ودان بولەك، بريفينگ سپيكەرى اۋە جولاۋشىلارىن ءجيى تولعاندىراتىن رەيستى كەيىنگە شەگەرۋ نەمەسە مۇلدەم بولدىرماۋعا قاتىستى تۇسىنىك بەردى.

«بەلگىلەنگەن اۋە رەيسىن كەيىنگە قالدىرۋ - امال قالماعان جاعدايدا قابىلداناتىن شەشىم. اۋە كومپانيالارى مۇمكىندىگىنشە جولاۋشىلارىن دىتتەگەن جەرگە جەتكىزگىسى كەلەدى. كەيدە اۋە رەيستەرىن 8 نەمەسە 12 ساعاتقا دەيىن كەيىنگە شەگەرىپ جاتادى. كوبىنە رەيستەردى كەشىكتىرۋ مەن بولدىرماۋدىڭ سەبەبى اۋا رايىنىڭ قولايسىزدىعىنا بايلانىستى. تۇمان، قاتتى جەل، بوران، تاعى سول سياقتى. اۋە رەيسى كەيىنگە شەگەرىلگەن جاعدايدا كومپانيا جولاۋشىلارعا ءتيىستى جاعدايدى جاساۋى ءتيىس. ايتار بولساق، باسقا اۋە رەيستەرىن نەمەسە باسقا قالا ارقىلى ۇشىپ بارۋدى ۇسىنۋ سەكىلدى. ەگەر جولاۋشى تولىق قۇنىن تولىق قايتارۋدى تالاپ ەتسە، وندا تالاپ 100 پايىزعا ورىندالۋى ءتيىس»، - دەيدى «SCAT» ا ق تۇراقتى كەستە بويىنشا كوممەرتسيالىق كەشەن ديرەكتورى نيكولاي بۋرياكوۆ.

سوڭعى جاڭالىقتار