زەينەتاقى قورىنان الىنعان قاراجات پايدالانىلماسا 45 كۇن ىشىندە كەرى قايتارىلادى
بۇل تۋرالى وتباسى بانكى باسقارماسىنىڭ ءتوراعاسى ءلاززات يبراگيموۆا Facebook-دە وتكەن تىكەلەي ەفير بارىسىندا ايتتى، دەپ حابارلايدى قازاقپارات ءتىلشىسى.
«ەگەر زەينەتاقى قورىنان اۋدارىلعان اقشا 45 كۇننىڭ ىشىندە ءۇي الۋعا پايدالانىلماسا، وندا قاراجات ب ج ز ق- عا قايتارىلادى. ياعني بۇل تۇرعىدا ناقتى شەكتەۋ قويىلعان. ەگەر اقشا الىنعاننان كەيىن 45 كۇننىڭ ىشىندە قولدانىلماسا، اقشانىڭ ناقتى ماقساتتى باعىتقا پايدالانىلعانىن راستايتىن قۇجاتتى كورمەسەك، وندا ول قاراجات ب ج ز ق- داعى ءوز جيناعىڭىزعا تولىق كولەمدە قايتارىلادى»، - دەدى ءلاززات يبراگيموۆا.
ەسكە سالساق، 2 -قاڭتاردا ق ر پرەزيدەنتى زەينەتاقى جيناعىنىڭ ءبىر بولىگىن ماقساتتى پايدالانۋعا قاتىستى زاڭعا قول قويدى. قازاقستاندىقتاردىڭ زەينەتاقى جيناقتارىن پايدالانۋ ءۇشىن جاڭارتىلعان «جەتكىلىكتىلىك شەگى» جاريالاندى. زەينەتاقى جيناعىن باسپاناعا جۇمساۋعا ارنالعان ونلاين- پلاتفورما ىسكە قوسىلادى. زەينەتاقى جيناعىنان الۋعا بولاتىن سوما ب ج زق سايتىندا اۆتوماتتى تۇردە كورسەتىلەدى.