الماتى وبلىسىندا كوشى-قون زاڭىن بۇزعاندارعا 45 ميلليون تەڭگەدەن استام ايىپپۇل سالىندى
الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ءتارتىپ ساقشىلارىنىڭ قىزمەتىن پايدالانعان شەتەلدىكتەردىڭ باسىم بولىگى - ت م د ەلدەرىنىڭ ال، 186 ادام الىس شەت ەل ازاماتتارى.
«ەلىمىزدىڭ كوشى-قون زاڭناماسىن بۇزعان 4954 تۇلعا اكىمشىلىك جاۋاپكەرشىلىككە تارتىلعان. ونىڭ 2943 دەرەگىندە قازاقستان ازاماتتارىنىڭ زاڭ تالاپتارىن ساقتاماعانى انىقتالدى. ەلىمىزدىڭ زاڭناماسىن ورەسكەل بۇزعان 139 شەتەلدىك ازامات ەل اۋماعىنان شىعارىلعان. ال، ەكى تۇلعاعا قاتىستى كوشى-قون زاڭىنىڭ تالاپتارىن بۇزۋ دەرەگى بويىنشا قىلمىستىق ءىس قوزعالعان. كوشى- قون زاڭناماسىنىڭ تالاپتارىن بۇزعان ازاماتتارعا 45 ميلليون تەڭگەدەن استام ايىپپۇل سالىنىپ، مەملەكەت پايداسىنا ءوندىرىلدى. جىل باسىنان بەرى 26773 تۇلعا ەلىمىزدە جۇمىس جاساۋىنا قاجەتتى رۇقسات راسىمدەدى»، - دەدى الماتى وبلىسى پ د كوشى-قون قىزمەتى باسقارماسى باستىعىنىڭ ورىنباسارى ەلمۇرات نۇرسەيىتوۆ.