اقمولادا كاسىپكەردىڭ 45 ميلليون تەڭگەسىن ۇرلاعان كۇدىكتىلەر ۇستالدى

None
None
كوكشەتاۋ. قازاقپارات - اقمولا وبلىسىندا جەكە كاسىپكەردىڭ 45 ميلليون تەڭگەدەن استام اقشاسىن ۇرلاعان كۇدىكتىلەر ۇستالدى، دەپ حابارلايدى قازاقپارات ءتىلشىسى وبلىستىق پ د باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمەتىشە، 2019 -جىلدىڭ 1-شىلدەسىندە بۇلاندى اۋداندىق پ ب-نە ماكينسك قالاسىنىڭ 57 جاستاعى تۇرعىنىنان ارىز تۇسكەن. ارىزدانۋشىنىڭ سوزىنشە، سول كۇنى تۇندە ماكينسك قالاسىنداعى وعان تيەسىلى «سارجان» دۇكەنىنەن 45 ميلليون تەڭگە اقشا ۇرلانعان.

«وقيعا ورنىنا جەتكەن ءتارتىپ ساقشىلارى وقيعادان بىرنەشە كۇن بۇرىن كاسىپكەردىڭ بيزنەسىن دامىتۋ ءۇشىن بانكتەن نەسيە العانىن انىقتادى. جەدەل ىزدەستىرۋ بارىسىندا كريمينالدى پوليتسيا قىزمەتكەرلەرى شۋچينسك قالاسىنىڭ ق ر ق ك 175-بابى 2 -بولىگى جانە 181-بابى 2-بولىگى بويىنشا بۇرىن سوتتى بولعان 28، 32 جانە 33 جاس شاماسىنداعى ءۇش تۇرعىندى ۇستادى. كۇدىكتىلەردەن قىلمىسىن مويىنداعانى تۋرالى تۇسىنىكتەمە الىندى. قازىرگى كەزدە اتالمىش وقيعاعا قاتىستى ق ر ق ك 188-بابى 4-بولىگى بويىنشا ءىس قوزعالىپ، سوتقا دەيىنگى تەرگەۋ امالدارى ءجۇرىپ جاتىر»، - دەيدى ۆەدومستۆونىڭ باسپا ءسوز قىزمەتىندەگىلەر.

اۆتور: اسلان وسپانوۆ

سوڭعى جاڭالىقتار