الماتىعا كەلەتىن شەتەلدىك تۋريستەردىڭ سانى 45 پايىزعا ارتقان
مۇنداي كورسەتكىش ءتىپتى ازيادا مەن ۋنيۆەرسيادا كەزىندە تىركەلمەگەن، دەيدى ستاتيستيكا سالاسىنىڭ ماماندارى. وسى جىلدىڭ العاشقى توقسانىندا- اق الماتىعا اياق باسقان شەتەلدىك مەيمانداردىڭ سانى 91 مىڭنان اسقان. سىرتقى جانە ىشكى تۋريزم كەز كەلگەن قالا مەن مەملەكەت ءۇشىن كەلەشەگى زور تابىس كوزدەرىنىڭ ءبىرى بولىپ سانالادى. بۇگىنگى تاڭدا قازاقستانعا كەلگەن تۋريستەردىڭ بەستەن ءبىرى الماتىنىڭ ەنشىسىندە. 2018 -جىلدىڭ ءبىرىنشى توقسانىمەن سالىستىرعاندا بيىل ءتورت ايدا شەتەلدىك تۋريستەردىڭ سانى 45,9 پايىزعا ارتقان. بۇل قالانىڭ تۋريستىك ينفراقۇرىلىمىنا، ءارتۇرلى حالىقارالىق ءىس- شارالارعا جانە تابيعاتىنا بايلانىستى، دەيدى قالالىق تۋريزم باسقارماسىنىڭ ماماندارى.
قاليبەك اقىلبەكوۆ، قالالىق تۋريزم باسقارماسى باسشىسىنىڭ ورىنباسارى:
- الماتى قالاسىنىڭ تۋريزم باسقارماسى ونلاين جانە وففلاين جەلىلەرىندە الماتى قالاسىن جارنالامايدى. جىلدىڭ باسىنان الماتى قالاسى 5 شەتەلدىك كونفەرەنسيالارعا قاتىستى. ول لوندون، ماسكەۋ جانە بەرلين، مۋمباي قالالارىندا وتكەن. سوڭعىسى گونكونگ قالاسىندا بولعان. وسى كونفەرەنسيالاردا ءبىزدىڭ تۋر وپەراتورلار شەتەلدىك تۋر وپەراتورلارمەن كەلىسىمشارتتار قابىلدايدى.
الماتىعا كەلەتىندەردىڭ دەنى - كورشىلەس رەسەي مەن قىتاي. سونداي- اق وزبەكستان مەن قىرعىزستاننان كەلەتىن مەيمانداردىڭ دا باسىم كوپشىلىگى الماتىعا سوقپاي كەتپەيدى ەكەن. ال قازىر مەدەۋ مەن شىمبۇلاق شاتقالىن كورۋ ءۇشىن الىس قۇرلىقتان دا ساياحاتشىلار كەلە باستادى.
فيليپ تومپسون، ساياحاتشى /اۆستراليا/ - مەن قازاقستانعا قاتارىنان بەسىنشى جىل كەلىپ وتىرمىن. ماڭعىستاۋ، تۇركىستان، شىمكەنت سەكىلدى كوپتەگەن قالادا بولدىم. تابيعاتتارىڭىز تاماشا! اسىرەسە مەدەۋ مەن شىمبۇلاقتىڭ كەرەمەتىن سوزبەن ايتىپ جەتكىزۋ مۇمكىن ەمەس. تەك اقپارات الۋ ورتالىعى ازداۋ دەمەسەڭىز، ەلدەرىڭىزدە تۋريزم سالاسى جاقسى دامىپ كەلەدى.
احماد ءال- كاتتابي، ساياحاتشى /ب ا ءا/ - الماتىنىڭ اسەم تابيعاتىن الەۋمەتتىك جەلىدەن كورگەنمىن. ءوز كوزىممەن كورۋ ءۇشىن جانۇيامدى الىپ كەلدىم. رەكوردتار فابريكاسىنا بالانعان مەدەۋ مۇز ايدىنىندا بولدىم. ەندى شىمبۇلاققا شىعىپ بارام. بۇل جەردىڭ تابيعاتى راسىمەن دە تاڭداي قاعارلىق ەكەن. ەندى قىستا كەلسەم دەپ ويلاپ وتىرمىن.
تۋريزم سالاسىن دامىتۋعا ساندىق تەحنولوگيالاردىڭ ىقپالى زور. سوندىقتان شەتەلدىك مەيماندار كوپ باراتىن قالاداعى ماڭىزدى 33 عيماراتقا جۋىقتا QR- كود ورناتىلعان. ياعني تۋريستەر گيدتىڭ كومەگىنسىز- اق نىسان تۋرالى اقپاراتتى 4 تىلدە دىبىستىق جازۋمەن تىڭداي الادى. مۇنداي قوندىرعىلار جىل سوڭىنا دەيىن 100 گە جۋىق نىسانعا ورناتۋ جوسپارلانىپ وتىر.