16:26, 18 - ماۋسىم 2019 | GMT +6
الماتىدا شەتەلدىك ساياحاتشىلار سانى 45 پايىزعا ءوستى
الماتى. قازاقپارات - الماتى قالالىق تۋريزم باسقارماسىنىڭ باسشىسى ماقسات قيقىموۆ مەگاپوليسكە كەلەتىن شەتەلدىك تۋريستەردىڭ سانى ارتا تۇسكەنىن مالىمدەدى، دەپ حابارلايدى قازاقپارات ءتىلشىسى.
«سوڭعى 15 جىلدا الماتىدا العاش رەت شەتەلدىك تۋريستەردىڭ سانى %45,9 عا ارتقان. ستاتيستيكا كوميتەتىنىڭ دەرەگى بويىنشا بيىل ءبىرىنشى توقساندا تۇڭعىش رەت الماتى
قالاسىندا %45,9 عا ءوسىم بايقالدى. شەتەلدىك تۋريستەردىڭ سانى 91,3 عا مىڭعا جەتكەن»، - دەپ جازدى ماقسات قيقىموۆ.
سونداي-اق، ول شەتەلدىك تۋريستەردىڭ سانى ءتىپتى ءىرى حالىقارالىق شارالار مەن ازيادا ۋنيۆەرسيادا كەزىندە دە مۇنداي دارەجەگە جەتپەگەندىگىن ايتتى.
جالپى، الماتى قالاسىنداعى تۋريستەردىڭ سانى %25,8 عا ارتىپ، 271,5 مىڭ تۋريسكە جەتتى. ونىڭ ىشىندە ىشكى تۋريزم %17,6 ءوستى.
تاعى ءبىر ايتا كەتەرلىگى، ءبىر جىلدىڭ ىشىندە قوناق ءۇي مەن حوستەلدەر %40,5 عا ءوستى. قىزمەت كورسەتۋ كولەمىدە 6,6 ميلليارد تەڭگە ۇلعايىپ %35,6 عا جەتتى.