شىمكەنتتە پارا الۋ كەزىندە ۇستالعان شەنەۋنىك 45 ميلليون تەڭگە ايىپپۇل تولەيتىن بولدى
بۇرىنعى شەنەۋنىكتىڭ قىلمىستىق ءىسىن قاراعان ءال- فارابي اۋداندىق سوتى وسىنداي ۇكىم شىعاردى، دەپ حابارلايدى قازاقپارات ءتىلشىسى.
ايىپتالۋشى سوت زالىنان بوساتىلىپ، مەملەكەتتىك قىزمەت اتقارۋ قۇقىعىنان ايىرىلدى. اۋداندىق سوتتىڭ مالىمەتىنشە، ايىپتالۋشى وتكەن جىلدىڭ جەلتوقسان ايىندا پارا الۋ كەزىندە ۇستالعان. سوت وتىرىسىندا ونىڭ جاۋاپتى لاۋازىمدى قىزمەتتى اتقارا وتىرىپ، مەكتەپتەگى اسحانانى جالعا الىپ جۇمىس ىستەيتىن كاسىپكەرگە كومەكتەسەمىن دەپ 1,5 ميلليون تەڭگە العانى دالەلىن تاپتى. ەكس- شەنەۋنىكتىڭ مىندەتىنە مەكتەپتەردە قىزمەت اتقارۋعا تەندەر وتكىزۋ جانە كەلىسىمشارت ءتۇزۋ كىرگەنى انىقتالعان.
تەرگەۋ كەزىندە عابيت نىسانوۆ ءوز كىناسىن تولىعىمەن مويىنداپ، پروكۋرورلارمەن پروتسەسسۋالدىق كەلىسىمگە كەلگەن. ەندىگى جەردە سوتتالۋشى ءبىر اي ۋاقىت ارالىعىندا 45 ميلليون تەڭگەنى تولەۋى ءتيىس.
اۆتور: اينۇر اقبايەۆا