+7 (701) 759 90 19
23 °С : نۇر-سۇلتان
27 °С : الماتى
USD 412.55 EUR 465.73
RUB 5.79 CNY 58.91
جاڭالىقتار

اتباسار قالاسىندا سۋ باسۋ قاۋپى بار اۋماقتان 459 وتباسى كوشىرىلدى

26 اقپان 10:12
:ءبولىسۋ
اتباسار قالاسىندا سۋ باسۋ قاۋپى بار اۋماقتان 459 وتباسى كوشىرىلدى

كوكشەتاۋ. قازاقپارات - اتباسار قالاسىندا سۋ تاسقىنىنىڭ قاۋىپتى اۋماعىنان 459 وتباسى كوشىرىلدى. اۋدان بويىنشا تاعى 502 وتباسىن كوشىرۋ جوسپارلانىپ وتىر.

بۇل تۋرالى ايماق باسشىسى ەرمەك مارجىقپايەۆ الەۋمەتتىك جەلىدەگى پاراقشاسىندا جازدى، دەپ حابارلايدى قازاقپارات ءتىلشىسى.

«كوكتەمگى سۋ تاسقىنىنىڭ الدىن الۋ ماقساتىندا 54 ەلدىمەكەندە (14 اۋدانداعى) سۋ تاسقىنىنا قارسى ءىس-شارالار، سۋ وتكىزەتىن 41 نىساندى جوندەۋ جۇمىستارى جۇرگىزىلدى، سۋ اعاتىن 27 شاقىرىم ارنا تەرەڭدەتىلدى جانە كەڭەيتىلدى، 16,5 شاقىرىم بوگەت پەن توپىراق ءۇيىندىسى نىعايتىلدى، 17 شاقىرىم بوگەت تۇرعىزىلدى، وزەن ارناسىنىڭ 5 شاقىرىم ارالىقتا ءتۇبى تازارتىلدى.

بۇدان بولەك، 181 توننا جانار- جاعار ماي، 8 مىڭ توننا ينەرتتى ماتەريالدار مەن قۇم سالۋعا ارنالعان 50 مىڭ قاپ قور جاسالدى. ەلدىمەكەندەردەن 800 مىڭنان استام تەكشە مەتر قار شىعارىلىپ، 2445 ادام مەن 1090 ارنايى تەحنيكا، 229 موتوپومپ، 60 ءجۇزۋ قۇرالى ازىرلەندى. سۋ تاسقىنىنىڭ الدىن الۋ ماقساتىندا 66 گيدرو- مەتەوستانسا مەن بەكەت باقىلاۋ جاساپ وتىرادى، بۇعان قوسىمشا تاعى 97 باقىلاۋ بەكەتى ۇيىمداستىرىلادى»، - دەيدى ە. مارجىقپايەۆ.

ايماق باسشىسىنىڭ مالىمەتىنشە، جول كارتاسى شەڭبەرىندە 2020 -جىلعا جوسپارلانعان شارانىڭ 14 ى جۇزەگە اسىرىلۋدا.

«نۇر-سۇلتان قالاسىن سۋ الىپ قالۋىنا جول بەرمەۋ ماقساتىندا ەسىل وزەنى جاعاسىنىڭ دوڭەس جەرىن تەگىستەۋ جانە نۇر- سۇلتان قالاسى شەكاراسىنان ارايلى اۋىلىنا دەيىنگى (تالاپكەر اۋىلىنان ارايلى اۋىلىنا دەيىن) وزەن ارناسىن كەڭەيتۋ بويىنشا جوبالىق-سمەتالىق قۇجاتتارى ازىرلەندى. ەسىل وزەنى ارناسىن تابيعي (توپىراق، بۇتالار، قامىس) شوگىندىلەردەن تازارتۋ جۇمىستارى جۇرگىزىلدى. اعىن سۋدى اپاتسىز وتكىزۋ شەڭبەرىندە ەسىل وزەنى ارناسىن كەڭەيتۋ (بۇعان 30 بىرلىك ارنايى تەحنيكا تارتىلىپ، وزەن ارناسىنىڭ ەنى 100 مەتر، ۇزىندىعى 30 شاقىرىمعا دەيىنگى اۋماعى تازارتىلادى) جۇمىستارى باستالدى. اتباسار قالاسىندا سۋ تاسقىنىنىڭ ءقاۋىپتى اۋماعىنان 459 وتباسى كوشىرىلدى، اتباسار اۋدانى بويىنشا ءقاۋىپتى اۋماقتان تاعى قوسىمشا 502 وتباسىن كوشىرۋ جوسپارلانىپ وتىر. قازىرگى كەزدە اتباسار قالاسىندا 100 پاتەرلى 5 تۇرعىن ءۇيدىڭ قۇرىلىسى ءۇشىن قارجى ءبولۋ ماسەلەسى قاراستىرىلۋدا»، - دەيدى ە. مارجىقپايەۆ.

سونىمەن قاتار، ايماق باسشىسى اتاپ وتكەندەي، گيدرولوگيالىق مالىمەتتەردى ناقتىلاۋ بويىنشا جاباي وزەنى بويىنشا (اتباسار جانە ساندىقتاۋ اۋداندارى) ەكسپەديتسيا ۇيىمداستىرىلدى. ونىڭ ناتيجەسى بويىنشا وزەن اڭعارىندا قاردىڭ قالىڭدىعى 34 پايىزدان جوعارى، ىلعال 2 ەسە كوپ، سونداي-اق، توپىراقتىڭ قاتۋى وتكەن جىلمەن سالىستىرعاندا 55 پايىزعا تومەن ەكەنى انىقتالدى.

ناۋرىز ايىندا وبلىستىڭ سۋ باسۋ قاۋپى بار 10 اۋدانىندا 20 مىڭ شارشى مەتر اۋماقتا مۇز جارۋ جۇمىستارىن جۇرگىزۋ جوسپارلانعان. بارلىق قاجەتتى شارالار ورىندالىپ، قاتاڭ باقىلاۋعا الىنعان.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات