USD 434.48 EUR 492.61
RUB 5.68 CNY 68.44
جاڭالىقتار

سولتۇستىك قازاقستاندا جارتى جىلدا 450-دەن استام ادام كوروناۆيرۋستان قايتىس بولدى

14 قاڭتار 14:26
:ءبولىسۋ
سولتۇستىك قازاقستاندا جارتى جىلدا 450-دەن استام ادام كوروناۆيرۋستان قايتىس بولدى

پەتروپاۆل. قازاقپارات - سولتۇستىك قازاقستان وبلىسىندا وتكەن تاۋلىكتە كوروناۆيرۋستان ءبىر ادام كوز جۇمدى، ىندەت باستالعالى وڭىردە 452 قايتىس بولدى، دەپ حابارلايدى قازاقپارات ءتىلشىسى.

س ق و دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى نۇرلان ايمانوۆتىڭ ايتۋىنشا، ىندەت باستالعالى وبلىستا 452 ادام كوروناۆيرۋستان قايتىس بولدى.

كوز جۇمعانداردىڭ %95 ى ۆاكسينا الماعان.

«جەلتوقسان ايىنىڭ سوڭىنا قاراي ك ۆ ي-دان قايتىس بولعاندار سانى كەمىدى. اۋرۋشاڭدىقتىڭ تومەندەۋىنە بايلانىستى ينفەكسيالىق ستاتسيونارلارعا جاتاتىندار سانى دا ازايدى. قاراشادا جۇقپالى اۋرۋلار مەكەمەلەرىندە 869 سىرقاتقا دەيىن جاتقان كەزدەر بولدى. تاۋلىگىنە 100 ناۋقاستان ءتۇسىپ وتىردى. سول كەزدەرى كۇندە 3-5 ادام كوز جۇماتىن. قازىر 172 سىرقات ەم الىپ جاتىر. جانساقتاۋ بولىمشەسىندە 21 ناۋقاس بار، ونىڭ الدىندا 56 بولعان. قارقىندى تەراپيا پالاتالارىندا دا سىرقاتتار سانى ەكى ەسە كەمىدى. سوندىقتان كوروناۆيرۋستان قايتىس بولاتىندار سانى دا كەمىدى»، - دەيدى نۇرلان ايمانوۆ.

ماماننىڭ ايتۋىنشا، قازىر تاۋلىگىنە 1-2 ادام ومىردەن وزادى. بۇل ەلىمىزدىڭ باسقا وڭىرلەرىمەن سالىستىرعاندا - كوپ. جالپى «دەلتا» شتامى پايدا بولعان جارتى جىلدىڭ ىشىندە وبلىستا 408 ناۋقاس قاۋىپتى ينفەكسيادان قايتىس بولعان.

«نەگە س ق و- دا ك ۆ ي- دان قايتىس بولعاندار سانى كوپ؟ ءبىزدىڭ وڭىردە ەگدە جاستاعى تۇرعىنداردىڭ ۇلەسى جوعارى. ولار قاۋىپتى ينفەكسيانى جۇقتىرعان كەزدە اۋىر وتكەرەدى، ءارى كوپشىلىگى ءالى كۇنگە دەيىن ەكپە سالدىرماعان. تۇرعىندار تاراپىنان وكپە قابىنباسا دا ءبىزدى اۋرۋحاناعا جاتقىزبادى دەگەن شاعىمدار ءجيى تۇسەدى. مەن تاعى قايتالاپ ايتامىن. اۋرۋحانادا قازىر جاتقانداردىڭ بارلىعى - وزدىگىنەن دۇرىس دەمالا المايتىندار. ياعني ستاتسيونارعا جاتقىزۋ ءۇشىن سىرقاتتا اۋرۋدىڭ بەلگىلەرى بولۋى كەرەك. ول - ەنتىگۋ، ساتۋراتسيانىڭ 93-تەن تومەن بولۋى، وتتەگىنىڭ جەتىسپەۋشىلىگى جانە ينتوكسيكاتسيا بەلگىلەرى. ارينە، سوزىلمالى اۋرۋىنىڭ بارلىعى جانە ۆاكسينا العان- الماعانى ەسەپكە الىنادى. ويتكەنى ەكپە الماعان جاعدايدا سىرقاتتىڭ جاعدايى كۇرت ناشارلاۋى مۇمكىن. جەدەل جاردەم، موبيلدى بريگادا قىزمەتكەرلەرى نەمەسە ۋچاسكەلىك دارىگەر وسىنىڭ بارلىعىن ەسكەرىپ بارىپ قانا ستاتسيونارعا جولداما بەرەدى»، - دەيدى مەديتسينالىق قىزمەتكەر.

اۆتور: اقەركە داۋرەنبەك قىزى


:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات