+7 (701) 759 90 19
1 °С : نۇر-سۇلتان
5 °С : الماتى
USD 428.68 EUR 507.21
RUB 5.57 CNY 64.2
جاڭالىقتار

بيىل كۇنگەيدەن قونىس اۋدارعان 450 وتباسى سولتۇستىكتە جاڭا ءومىر باستادى

23 قىركۇيەك 19:05
:ءبولىسۋ
بيىل كۇنگەيدەن قونىس اۋدارعان 450 وتباسى سولتۇستىكتە جاڭا ءومىر باستادى

نۇر- سۇلتان. قازاقپارات - جۇمىس كۇشى ارتىق وڭىرلەردەن قونىس اۋدارعان 450 وتباسى سولتۇستىك قازاقستان وبلىسىندا جاڭا ءومىر باستادى، دەپ حابارلايدى قازاقپارات ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.

بيىلعى 8 ايدا «ەڭبەك» مەملەكەتتىك باعدارلاماسىن ىسكە اسىرۋ شەڭبەرىندە جالپى سانى 1384 ادامنان تۇراتىن 452 وتباسى سولتۇستىك قازاقستان وبلىسىنا جۇمىس كۇشى ارتىق وڭىرلەردەن كوشىپ كەلدى. الماتى، جامبىل جانە تۇركىستان وبلىستارىنان، سونداي- اق رەسپۋبليكالىق ماڭىزى بار قالالاردان قونىس اۋدارۋشىلار جۇمىس كۇشى تاپشى وڭىردەن جاڭا قونىس تاپتى.

ءبىر جىل بۇرىن گۇلميرا جولاسپايەۆا نۇر- سۇلتان قالاسىنان سقو عابيت مۇسىرەپوۆ اۋدانى كوۆىلنوە اۋىلىنا كوشىپ كەلدى جانە ءوز تاڭداۋىنا ەش وكىنبەيدى. ول اۋىل مەكتەبىندە اعىلشىن ءتىلى مۇعالىمى بولىپ جۇمىس ىستەيدى. كۇيەۋى اۋىل شارۋاشىلىعى ۇيىمىنا بريگادير بولىپ جۇمىسقا ورنالاستى.

«ءبىز وتباسىمىزبەن ۇزاق ۋاقىت جالدامالى پاتەرلەردە تۇرىپ جۇردىك. ال بالالار بولسا ەر جەتۋدە - ولارعا الاڭسىز وقۋ كەرەك. تۇراقتىلىق قاجەت. سوندىقتان ءبىز قالادان كوشۋگە شەشىم قابىلدادىق. بىزگە بارلىق جاعداي جاسالعان، جاقسى ءۇي بەرىلدى. قازىر ءبىز كۇيەۋىم ەكەۋمىز جۇمىس ىستەيمىز، بالالار ەكىنشى جانە ءتورتىنشى سىنىپتاردا وقيدى»، - دەيدى ايەل.

وڭىردە جاڭا جەردەگى قىزمەتىنە قىزىعۋشىلىقپەن كىرىسكەن باسقا دا ادامدار بار. ماسەلەن، كوپبالالى وتباسىنىڭ وتاعاسى دۇيسەمبى وسپانوۆ تۇركىستان وبلىسىنان سولتۇستىك قازاقستان وبلىسىنىڭ قىزىلجار اۋدانىنا كوشىپ كەلگەن سوڭ «ەڭبەك» مەملەكەتتىك باعدارلاماسى بويىنشا گرانت الىپ، وعان ءىرى قارا مال ساتىپ الدى. ال 4 بالانىڭ اكەسى ازامات نۇرعابىلوۆقا شوپتىكول اۋىلىنان جالدامالى تۇرعىن ءۇي بەرىلىپ، 12 ايلىق جالداۋ اقىسىنا سۋبسيديا تاعايىندالدى جانە ءوزى مال دارىگەرى بولىپ جۇمىسقا ورنالاستى.

بۇدان بۇرىن حابارلانعانداي، 2020 -جىلدىڭ 8 ايىندا «ەڭبەك» مەملەكەتتىك باعدارلاماسى شەڭبەرىندە جالپى سانى 4386 ادامدى قۇرايتىن 1273 وتباسى قازاقستاننىڭ جۇمىس كۇشى جەتىسپەيتىن وڭىرلەرىنە قونىس اۋداردى، ونىڭ ىشىندە 2303 ادام ەڭبەككە جارامدى جاستا بولىپ تابىلادى. وتباسىنىڭ ەڭبەككە جارامدى مۇشەلەرىنەن 1652 ادام جۇمىسپەن قامتىلعان، قالعاندارى جاستار تاجىريبەسىنە نەمەسە وقۋعا جىبەرىلگەن نەمەسە كاسىپكەرلىك قىزمەتپەن اينالىسادى. ءوز ءىسىن باستاۋ ءۇشىن مەملەكەتتىك گرانت العاندار دا بار. جالپى بيىل 5825 ادامدى (1631 وتباسى) كوشىرۋ جوسپارلانىپ وتىر.

اۆتور: گۇلزات اقجولوۆا


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات