تۇركيانىڭ باتىسىندا 450 گەكتار ورمان ورتەنىپ جاتىر

None
None
چاناككالە. انادولى- قازاقپارات - تۇركيانىڭ باتىسىنداعى گەليبولۋ تۇبەگىندە ەكى كۇننەن بەرى ورمان ءورتى ءورشىپ تۇر، دەپ حابارلايدى انادولى اگەنتتىگى.

ءورتتى سوندىرۋگە اۆياتسيا كۇشى جۇمىلدىرىلعان. قىزىل جالىننىڭ باسىلماي تۇرعانىنا 16 ساعاتتان اسىپ كەتتى.

وتكەن تۇننەن بەرى ارنايى تەحنيكا تارتىلىپ، قۇتقارۋشىلار ءورتتى سوندىرۋگە بارىن سالدى. ولارعا جەرگىلىكتى تۇرعىندار كومەككە كەلدى.

اۋىل جانە ورمان شارۋاشىلىعى ءمينيسترى ەكرەم پاكدەميرلى چاناككالە پروۆينتسياسىنداعى ءورت ءسوندىرۋ پروتسەسىن جەكە ءوزى قاداعالاپ وتىر.

پاكدەميرلىنىڭ ايتۋىنشا، ءتىلسىز جاۋدان 450 گەكتار ورمان زارداپ شەككەن. ءورت قاتاڭ باقىلاۋعا الىندى.

يلگاردەرە جانە يالوۆا ەلدىمەكەندەرى ماڭىندا وتتىڭ تۇتانۋىنا نە سەبەپ بولعانى ازىرگە بەلگىسىز.


سوڭعى جاڭالىقتار