الماتى تراگەدياسى: تەرروريزم اكتىسى بويىنشا 44 قىلمىستىق ءىس قوزعالدى

نۇر-سۇلتان. قازاقپارات - باس پروكۋراتۋرا ادام شىعىنى بولعان وقيعالاردى تەرگەپ-تەكسەرۋگە ەرەكشە نازار اۋدارىپ وتىر. ەل بويىنشا جالپى سانى انىقتالۋدا، دەپ حابارلايدى قازاقپارات.

ءاربىر فاكت ءتيىستى قۇقىقتىق باعا بەرۋمەن مۇقيات تەرگەپ-تەكسەرىلەدى. ت ج رەجيمى كەزەڭىندە جاسالعان قۇقىق بۇزۋشىلىقتار ءۇشىن 6966 اكىمشىلىك حاتتاما تولتىرىلدى، ءارتۇرلى اكىمشىلىك جاۋاپقا 4918 ادام تارتىلدى. ونىڭ ىشىندە 1978 ادام قاماققا الىندى. 791 ادامعا ايىپپۇل سالىندى جانە 2149 ى ەسكەرتىلدى.

سوتتاردىڭ قاراۋىندا 2048 ماتەريال بار. بۇگىندە جەدەل-تەرگەۋ توپتارى 494 قىلمىستىق ءىستى، ونىڭ ىشىندە 44 تەرروريزم اكتىسى، 34 جاپپاي تارتىپسىزدىك، 15 ادام ءولتىرۋ جانە باسقالارى بويىنشا تەرگەپ-تەكسەرۋدە.

قىلمىس جاسادى دەگەن كۇدىكپەن 524 ادام ۋاقىتشا ۇستاۋ يزولياتورلارىنا قامالدى. سوتتىڭ سانكسياسىمەن 412 ادام قاماۋعا الىندى. قازىرگى ۋاقىتتا قاجەتتى تەرگەۋ ءجۇرىپ جاتىر.