تالدىقورعاندا ون كۇننىڭ ىشىندە 44 ادام ىندەت جۇقتىرعان
بۇل - تالدىقورعاننىڭ ماڭىنداعى ەلدىمەكەندەر، دەپ حابارلايدى قازاقپارات ءتىلشىسى. سوڭعى مالىمەت بويىنشا الماتى وبلىسىندا كوروناۆيرۋس ينفەكتسياسىن جۇقتىرعان 16 ادام تىركەلدى. ۆيرۋس تالدىقورعان قالاسى بويىنشا - 9 ادامنان، قاراتال اۋدانىندا – 2، قاپشاعاي قالاسىندا ەكى جانە ءبىر- ءبىر جاعدايدان كوكسۋ، ەسكەلدى، ەڭبەكشىقازاق اۋداندارىندا انىقتالدى. ناۋقاستاردىڭ باسىم بولىگى كوروناۆيرۋس جۇقتىرعاندارمەن بايلانىستا بولعان. سونداي- اق، ىندەت 7 ادامنان ۆيرۋسقا تەكسەرىلۋ كەزىندە انىقتالدى. بارلىعى وقشاۋلانىپ، قازىرگى ۋاقىتتا جۇقپالى اۋرۋلار بولىمىنە اۋىستىرىلدى. ناۋقاستارمەن بايلانىستا بولعان 88 ادام وقشاۋلاندى. ەپيدەميولوگيالىق تەرگەۋ جۇمىستارى قولعا الىنعان.
جالپى الماتى وبلىسىندا ينفەكتسيانى جۇقتىرعان 278 ادام تىركەلگەن. ونىڭ 159 ى كوروناۆيرۋستان جازىلىپ شىقتى. ايتا كەتەيىك، تالدىقورعاندا كوروناۆيرۋستىڭ العاشقى جاعدايى 14 -مامىردا تىركەلدى. ول كەزدە ىندەتتى جۇقتىرعان پوليتسەيدىڭ 150 دەن اسا اداممەن بايلانىستا بولعانىن، ونىڭ 85 ى ءوزىنىڭ ارىپتەستەرى ياعني، ءتارتىپ ساقشىلارى ەكەنىن حابارلاعان بولاتىنبىز.