+7 (701) 759 90 19
4 °С : نۇر-سۇلتان
7 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

ب ۇ ۇ  44 مىڭ قىزمەتكەرىنىڭ جالاقىسىن تولەي الماۋى مۇمكىن

12 قازان 14:16
:ءبولىسۋ
ب ۇ ۇ  44  مىڭ قىزمەتكەرىنىڭ جالاقىسىن تولەي الماۋى مۇمكىن

نۇر- سۇلتان. قازاقپارات - «ب ۇ ۇ سوڭعى ونجىلدىقتاعى ەڭ ءىرى قارجى داعدارىسىنا ۇشىرادى. ب ۇ ۇ باس حاتشىسى انتونيۋ گۋتەرريش الداعى ايدا ۇيىم 44 مىڭ قىزمەتكەرگە جالاقىسىن تولەي الماي قالۋى مۇمكىن ەكەنىن ايتتى»، دەپ جازادى شۆەيتساريانىڭ Neue Zürcher Zeitung باسىلىمى.

«ب ۇ ۇ قارجىلىق داعدارىسقا ۇشىرادى. قولما قول اقشاسىز بيۋدجەت ءتيىستى جولمەن اتقارىلا المايدى»، دەدى نيۋ يوركتەگى ب ۇ ۇ بيۋدجەتتى كوميسسيا الدىندا ءسوز سويلەگەن باس حاتشى.

اۆتوردىڭ ايتۋىنشا، وسىلايشا گۋتەرريش بۇگىنگى تاڭدا ۇيىمعا مۇشە 193 مەملەكەتتىڭ تەك 129-ى مۇشەلىك جارنانى تولەگەنىن جەتكىزگەن. ەڭ ءىرى بورىشكەر ا ق ش بولىپ وتىر. ۆاشينگتون سالاتىن قارجى ب ۇ ۇ بيۋدجەتىنىڭ % 22- ىن قۇرايدى.

«بۇگىنگى بيۋدجەت 3,3 ميلليارد دوللار، ال قارىز 674 ميلليون دوللار بولىپ تۇر. ۆاشينگتون بىلتىرعى 381 ميلليون دوللار قارىزىن دا تولەمەگەن. ب ۇ ۇ وتكەن ايدا اقشانى ۇنەمدەۋ ءۇشىن ارنايى شارا قابىلداۋعا ءماجبۇر بولعان. ياعني، كەيبىر جوعارى لاۋازىمدارعا ادام قابىلدانباعان، ماڭىزدى كەزدەسۋلەر مەن جينالىستار وتكىزىلمەگەن نەمەسە ۋاقىتى اۋىستىرىلعان»، دەپ جازادى اۆتور. ونىڭ ايتۋىنشا، ب ۇ ۇ ۋاقىتىندا جارنا تولەمەيتىن قاتىسۋشى مەملەكەتتەرمەن كۇرەسىپ ءجۇر.

«قىركۇيەكتىڭ سوڭىندا بيىلعى جىلدىڭ بيۋدجەتى تەك % 70- عا قارجىلاندىرىلعان. بۇل بىلتىرعى جىلدان تومەن. جالپى العاندا ب ۇ ۇ 1,3 ميلليارد دوللار قارىزىن وندىرە الماي وتىر»، دەپ جازادى باسىلىم.

اۆتور: ايكۇمىس بولاتبەك


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات