استانادا 44 ەمحانا ازاماتتاردى تىركەۋگە دايىن
تىركەلۋ ناۋقانى شەڭبەرىندە قازاقستاندىقتار، ق ر اۋماعىندا تۇرعىلىقتى تۇراتىن شەتەل ازاماتتارى جانە ازاماتتىعى جوق تۇلعالار ەمحانانى ەركىن تاڭداۋ قۇقىعىن پايدالانا الادى.
استانا قالاسى بويىنشا باستاپقى مەديتسينالىق- سانيتارلىق كومەك كورسەتەتىن 44 دەنساۋلىق ساقتاۋ سۋبەكتىسى تۇرعىنداردى تىركەۋگە دايىن. ونىڭ ىشىندە 31 مەديتسينالىق ۇيىم تىركەلگەن حالىقپەن جۇمىس جاساپ كەلسە، 13 مەكەمە - قالالىق قوردىڭ قىزمەت كورسەتۋشىلەر تىزىمىنە جاڭادان ەنگەندەر. تىركەۋ ناۋقانىنا قاتىسۋعا العاش نيەت بىلدىرگەن جەكە مەنشىك ەمحانالار ەكەنىن ايتا كەتكەن ءجون.
«استانادا ەكى جىل بۇرىنعى تىركەۋ ناۋقانىنىڭ قورىتىندىسى بويىنشا 1 034 ميلليون ادام ەمحانالارعا تىركەلدى. قالا تۇرعىندارى سانىنىڭ ديناميكالىق وسۋىنە بايلانىستى بيىل بۇل كورسەتكىش وزگەرەدى دەپ كۇتىلۋدە» ، - دەيدى « ءام س ق» ك ە ا ق استانا قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
استانا قالاسى تۇرعىندارعا مەديتسينالىق قىزمەت كورسەتۋ بويىنشا 556 ۋچاسكەگە بولىنگەن. ياعني، قازىرگى تاڭدا ءبىر دارىگەرگە جۇكتەلگەن جۇكتەمە - 1859 ادام. كەلەسى جىلدان باستاپ دارىگەرلەرگە تۇسەتىن جۇكتەمە مەن ەمحاناداعى كەزەكتى ازايتۋ ماقساتىندا تىركەۋ شەگى بەلگىلەنەدى. ول بويىنشا ءبىر جالپى پراكتيكا دارىگەرىنە تىركەلەتىن ادام سانى 1700-دەن اسپاۋى ءتيىس.
ەمحاناعا قالاي تىركەلۋگە بولادى؟ ول ءۇشىن ازاماتتار تاڭداعان مەديتسينا ۇيىمىنا تىكەلەي بارىپ نەمەسە ەلەكتروندى ۇكىمەت پورتالى ارقىلى ونلاين رەجىمدە جانە حالىققا قىزمەت كورسەتۋ ورتالىقتارى ارقىلى تىركەلە الادى. ەمحانا ارقىلى تىركەلۋ ءۇشىن جەكە كۋالىگىڭىزدى الىپ، باس دارىگەردىڭ اتىنا ءوتىنىش جازاسىز. ونلاين رەجىمدە تىركەلۋ ءۇشىن جۇيەگە كىرىپ، ەلەكتروندى ءوتىنىمدى تولتىراسىز. ال ح ق ك و ارقىلى تىركەلگىڭىز كەلسە، Connection Points ءبولىمىنىڭ قىزمەتىن قولدانا الاسىز.
نۇرلىبەك قابدىقاپاروۆتىڭ ايتۋىنشا، تىركەلەر الدىندا وتباسىلىق قىزمەت كورسەتۋ جانە مەديتسينالىق- سانيتارلىق كومەكتىڭ قولجەتىمدىلىگى پرينتسيپتەرىن ەسكەرە وتىرىپ، ۇيىڭىزگە جاقىن ەمحانانى تاڭداعان ءجون. بۇل پرينتسيپ ناۋقاسقا دارىگەردىڭ جەدەل كومەك كورسەتۋىنە مۇمكىندىك بەرەدى. ازاماتتاردى ەمحانالارعا تىركەيتىن مەكەمەلەر ءتىزىمى « ءا م س ق» ك ە ا ق- نىڭ ينتەرنەت- رەسۋرسىندا بەرىلگەن.