توبەسىنە 442 جىل بويى بىردە-ءبىر قۇس قونباعان مەشىتتى بىلەسىز بە؟
شەمسي پاشا مەشىتى نەمەسە حالىق اراسىندا بەلگىلى بولعانداي «كۋشكونماز» مەشىتى ۇسكۇدار جاعالاۋىندا ورنالاسقان.
عيماراتتىڭ ەڭ ءبىر تاڭعالارلىق تۇسى - ونىڭ مۇناراسىنا نەمەسە كۇمبەزىنە ەش ۋاقىتتا قۇستار قونبايدى ەكەن.
تاريحىنا كەلسەك؛
وتە كىرپياز ادام بولعان شەمسي پاشا ساۋلەتشى ميمار سينانعا «ۇستىنەن قۇس ۇشپايتىن جانە ساڭعىتپايتىن، كىرلەتپەيتىن» ءبىر مەشىت سالدىرعىسى كەلەتىنىن جەتكىزەدى.
ميمار سينان ۇسكۇداردا ءوزىنىڭ ساۋلەتشىلىك پاراساتى مەن عىلىمنىڭ جەتىستىگىن ۇشتاستىرا وتىرىپ، سولتۇستىك پەن وڭتۇستىكتەن سوعاتىن جەلدىڭ قيىلىساتىن نۇكتەسىن تابادى.
سونداي-اق ءبىراز ۋاقىت تولقىندار جاعاعا سوققان كەزدە مەشىتتىڭ ىشىندە پايدا بولاتىن تەربەلىستەردى دە زەرتتەيدى.
ساۋلەتشى سينان مەشىت ىشىندەگى دىبىس اكۋستيكاسىن دا جاقسى بىلەتىن ەدى.
سولتۇستىك پەن وڭتۇستىكتەن سوققان جەل توعىسقان، تولقىن جاعانى سوققان جەردە شىعاتىن ءدىرىل دىبىستارى قۇستاردىڭ مازاسىن قاشىراتىنىن انىقتايدى.
وسىلايشا، بوسفور بۇعازىنىڭ بىردە سالقىن، بىردە جىلى، ءبىراق ۇنەمى جەلدى، كەيدە اشۋلى تولقىن قابىرعالارىن سوعىپ تۇراتىن جەرگە مەشىتتى سالۋدى ۇيعارادى.
مىنە، ۇسكۇدار سيمۆولدارىنىڭ ءبىرى كۋشكونماز مەشىتىنىڭ قىسقاشا تاريحى وسى دەپ جازادى Yunus Emre Enstitüsü ءوزىنىڭ الەۋمەتتىك جەلىدەگى پاراقشاسىندا.
newsroom.kz