+7 (701) 759 90 19 Лента
-2 °С : استانا
1 °С : الماتى
USD 377.62 EUR 426.03
RUB 5.67 CNY 55.78
جاڭالىقتار

قازاقستاندا 442,5 مىڭ ادام جۇمىسسىز

12 اقپان 18:07 206
:ءبولىسۋ
قازاقستاندا 442,5 مىڭ ادام جۇمىسسىز

استانا. قازاقپارات - قازاقستاندا 2019 -جىلدىڭ قاڭتار ايىندا جۇمىسسىزدار سانى 442,5 مىڭ ادامدى قۇرادى، بۇل جالپى جۇمىس كۇشىنىڭ %4,8 قۇرايدى (2018 -جىلدىڭ جەلتوقسانىندا %4,9).

بۇل تۋرالى ق ر ۇتتىق ەكونوميكا مينيسترلىگىنىڭ ستاتيستيكا كوميتەتىنەن ءمالىم ەتتى، دەپ حابارلايدى قازاقپارات ءتىلشىسى.

بيىل قاڭتار ايىنىڭ سوڭىندا ەلىمىزدىڭ جۇمىسپەن قامتۋ ورگاندارىندا 111 مىڭ ادام، ياعني ەلدىڭ ەكونوميكالىق بەلسەندى تۇرعىندارىنىڭ %1,2 جۇمىسسىز رەتىندە رەسمي تىركەلگەن.

جاسىرىن جۇمىسسىزدىق دەڭگەيى 2018 -جىلدىڭ قازان- جەلتوقسان ايلارىندا 25,1 مىڭ ادام نەمەسە جالپى جۇمىس كۇشىنىڭ %0,3 قۇرادى.

قازاقستان ەكونوميكاسىندا 2019 -جىلى 8,7 ميلليون ادام قامتىلعان. سونىڭ 6,6 ميلليونى نەمەسە %76,1 جالدامالى جۇمىسشىلار.

بىلتىرعى IV توقساننىڭ دەرەكتەرىنە سۇيەنسەك، ءوزىن- ءوزى جۇمىسپەن قامتىعانداردىڭ ىشىندە ەڭبەك ونىمدىلىگى جوعارى ادامداردىڭ ۇلەسى - %90,9، ونىمدىلىگى تومەن ادامداردىڭ ۇلەسى %9,1 بولدى.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات