ەسىل بويىندا سالىناتىن بۇزىلىق سۋ قويماسىنا 43 ميلليارد تەڭگە بولىنەدى

استانا. قازاقپارات - پرەمەر- مينيستر ءاليحان سمايىلوۆ سەنات دەپۋتاتتارىنىڭ ساۋالىنا جولداعان جاۋابىندا جىلدارى نۇرا توپتىق سۋ قۇبىرىن قايتا جاراقتاۋعا 16 ميلليارد تەڭگە جۇمسالاتىنىن ءمالىم ەتتى، دەپ حابارلايدى قازاقپارات ءتىلشىسى.

«قازىرگى تاڭدا ەكولوگيا جانە تابيعي رەسۋرستار مينيسترلىگى جالپى قۇنى 630,8 ميلليون تەڭگە بولاتىن ەگىندىكول اۋىلىنان ستەپنياك قالاسىنداعى استىق قابىلداۋ پۋنكتىنە دەيىنگى ۇزىندىعى 15 شاقىرىم نۇرا توپتىق سۋ قۇبىرى ۋچاسكەسىن رەكونسترۋكتسيالاۋ جوباسىن ىسكە اسىرۋدا. بيىل جوبانى ىسكە اسىرۋدىڭ باسىندا رەسپۋبليكالىق بيۋدجەتتەن 330 ميلليون تەڭگە سوماسىندا قاراجات كوزدەلگەن. جوبانى اياقتاۋ 2024 -جىلدىڭ شىلدەسىندە جوسپارلانۋدا.

سونىمەن قاتار، جىل سوڭىنا دەيىن جالپى ۇزىندىعى 337 شاقىرىم بولاتىن نۇرا سۋ قۇبىرىنىڭ قالعان ۋچاسكەلەرىن رەكونسترۋكتسيالاۋعا باعىتتالعان جوبالاۋ- سمەتالىق قۇجاتتامانى ازىرلەۋ اياقتالادى. رەكونسترۋكتسيالاۋدىڭ قۇنى شامامەن 16 ميلليارد تەڭگەنى قۇرايدى. ىسكە اسىرۋ كەزەڭى - 2024-2026 -جىلدار»، - دەپ جازىلعان جاۋاپتا.

ونىڭ ايتۋىنشا، ەسىلدىڭ ارناسىنداعى سۋدى ءتيىمدى پايدالانۋ ءۇشىن 2024 - 2027 -جىلدارى بۇزىلىق سۋ قويماسى سالىنادى.

«ەكولوگيا مينيسترلىگى شىلدە ايىندا كوكتەمگى مول سۋدى رەتتەپ، جيناقتاۋ ءۇشىن سونداي- اق ونىڭ ەسىلدىڭ تومەن جاعىنداعى سەرگەيەۆ، پەتروپاۆل سۋ قويمالارىنىڭ تۇراقتى جۇمىسىن قامتاماسىز ەتۋ ءۇشىن ەسىل قارىمتا رەتتەگىشىن (بۇزىلىق سۋ قويماسى) سالۋ جوباسى بويىنشا جوبالاۋ- سمەتالىق قۇجاتتاما ازىرلەۋدى اياقتايدى. قۇرىلىستىڭ بولجامدى قۇنى - 43 ميلليارد تەڭگە. ىسكە اسىرۋ كەزەڭى - 2024 - 2027 -جىلدار»، - دەدى ۇكىمەت باسشىسى.

اۆتور

ەسىمجان ناقتىباي