جۇمىسسىز قالعان 43 مىڭعا جۋىق ادام الەۋمەتتىك تولەم الدى
18 مامىر 13:45

جۇمىسسىز قالعان 43 مىڭعا جۋىق ادام الەۋمەتتىك تولەم الدى

نۇر- سۇلتان. قازاقپارات - بيىل 36,1 مىڭ ازاماتقا جۇمىسىنان ايىرىلۋىنا بايلانىستى بەرىلەتىن تولەم العاش رەت تاعايىندالدى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتى ءمالىم ەتتى، دەپ حابارلايدى قازاقپارات.

«1- مامىرداعى جاعداي بويىنشا 43 مىڭ ادامعا جۇمىسىنان ايىرىلۋىنا بايلانىستى مەملەكەتتىك الەۋمەتتىك ساقتاندىرۋ قورىنان تولەم تولەندى. قولدانىستاعى زاڭناماعا سايكەس جۇمىستان بوساتىلعان قىزمەتكەرلەر مىندەتتى الەۋمەتتىك ساقتاندىرۋ جۇيەسىنە قاتىسۋ وتىلىنە جانە سوڭعى 24 ايداعى تابىسىنا بايلانىستى 1 ايدان 6 ايعا دەيىن جۇمىسىنان ايىرىلۋى بويىنشا الەۋمەتتىك تولەمدەر الادى. تولەم قىزمەتكەر جوعالتقان تابىستىڭ % 40- نا دەيىنگى مولشەردە م ءا س ق قاراجاتى ەسەبىنەن جۇزەگە اسىرىلادى»، - دەلىنگەن مالىمدەمەدە.

جۇمىستان بوساتىلعان ادام تولەم الۋى ءۇشىن eGov.kz پورتالىنداعى «جۇمىسقا ورنالاستىرۋ جانە جۇمىسپەن قامتۋ» ءبولىمى ارقىلى ونلاين تاپسىرىس بەرە الادى. مۇنان سوڭ ءبىر كۇن ىشىندە ءوتىنىش بەرۋشىنىڭ تۇرعىلىقتى جەرى بويىنشا جۇمىسپەن قامتۋ ورتالىعى بوس جۇمىس ورىندارىن ۇسىنادى. ەگەر جۇمىس تابىلماسا، 3 كۇن ىشىندە «جۇمىسسىز» مارتەبەسى بەرىلەدى. بۇل قىزمەتتى ونلاين رەجيمدە ەلەكتروندىق ەڭبەك بيرجاسى (enbek.kz) ارقىلى دا الۋعا بولادى.

«ازامات جۇمىسسىز رەتىندە تىركەلگەن سوڭ، ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتتىق جۇيەسى پرواكتيۆتى فورماتتا م ءا س ق- نان تولەم تاعايىنداۋ بويىنشا قىزمەت كورسەتۋگە كەلىسىم بەرۋ ءۇشىن ۇيالى تەلەفونعا SMS- حابارلاما جىبەرەدى. كەلىسكەن جاعدايدا SMS- حابارلاماعا جاۋاپ بەرۋ قاجەت. تولەم اۆتوماتتى تۇردە تاعايىندالادى»، - دەپ حابارلايدى ۆەدومستۆو.

ايتا كەتەيىك، م ءا س ق قاراجاتى ەسەبىنەن جۇمىسىنان ايىرىلعان جاعدايدا تولەنەتىن الەۋمەتتىك تولەم جۇمىستان بوساتىلۋ سەبەپتەرىنە قاراماستان جۇزەگە اسىرىلادى. بۇعان دەيىن قازاقستاندا جارتى ميلليوننان استام ادام اتاۋلى الەۋمەتتىك كومەك الىپ وتىرعانى حابارلانعان.

جاڭالىقتار