+7 (701) 759 90 19
8 °С : نۇر-سۇلتان
24 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

الماتىلىق دارىگەرلەر 43 جاستاعى ايەلدىڭ ەكى اياعىن تەڭەستىردى

16 قىركۇيەك 20:02
:ءبولىسۋ
الماتىلىق دارىگەرلەر 43 جاستاعى ايەلدىڭ ەكى اياعىن تەڭەستىردى

الماتى. قازاقپارات - الماتىلىق دارىگەرلەر 43 جاستاعى ايەلدىڭ قوس اياعىن ءبىر- بىرىمەن تەڭەستىردى، دەپ حابارلايدى قازاقپارات ءتىلشىسى.

جادىرا يسايەۆاعا №4 قالالىق كلينيكالىق اۋرۋحانانىڭ حيرۋرگتارى جامباس بۋىنىن ەندوپروتەزدەۋ بويىنشا وپەراتسيا جاسادى. وڭ جاق جامباس بۋىنىن ەندوپروتەزدەۋ ءساتتى وتكەندىكتەن، قىركۇيەك ايىندا دارىگەرلەر سول جاعىنا تەكسەرۋ جۇرگىزدى. وسى ءساتتى 30 جىل كۇتكەن ايەل ارمانىنا جەتكەنىن، اقىرى ادەمى اياق كيىم كيە الاتىنىن ايتتى.


«مەن ورتوپەدتەرگە تەكسەرىپ- قارالۋدى ۇزاق ۋاقىت ويلاندىم. مەندە اۋىر دياگنوز بولدى. جامباس بۋىنىنىڭ تۋا بىتكەن ديسلوكاتسياسى، ەكىجاقتى كوكسارتروز. 1991 -جىلى وپەراتسيادان كەيىن سول اياعىم 4,5 س م- عا قىسقا بولدى، سودان كەيىن مەن ورتوپەديالىق اياق كيىم كيۋگە ءماجبۇر بولدىم. مۇمكىندىك بولعان كەزدە ساتىپ الاتىنمىن، بولماعان كەزدە وسىلاي جۇرە بەردىم. بۇلاي ءجۇرۋ قيىن جانە ىڭعايسىز بولدى، سىزدە 4,5 س م- عا قىسقا اقاۋ بولعانىن ءوزىڭىز ەلەستەتىپ كورىڭىزشى. ءبىر كۇنى وتباسىلىق مەرەكەدە مەن بيىك وكشەمەن جانە ادەمى اياق كيىممەن بي بيلەگەن ءبىر تانىسىمدى كەزدەستىردىم، بۇرىن ونىڭ اياق اۋرۋى پروبلەماسى بار ەدى، ارەڭ جۇرەتىن. ءبىر تانىسىم وعان «№4 اۋرۋحانانىڭ» دارىگەرلەرى كومەكتەسكەنىن ايتىپ، سول كەزدە مەن كونسۋلتاتسيا الامىن دەپ شەشتىم. ناۋرىزدا العاشقى وپەراتسيادان كەيىن ومىرىمدە العاش رەت اياعىمنىڭ اۋىرسىنۋى قويىپ، قالىپتى جاعدايدا ءيىلىپ، وتىرا باستادىم. مەن ءۇشىن بۇل - ءومىر بويى كۇتكەن عاجايىپ جاعداي بولدى. ەكىنشى وپەراتسيادان كەيىن مەن ءوزىم جۇرە باستايمىن. 29 جىلدان كەيىن مەنىڭ بارلىق اقاۋلارىم تۇزەلدى. ەندى ەكى اياعىم دا بىردەي بولىپ كورىنەدى، شامامەن جارتى جىلدان كەيىن مەن بيىك وكشەلى اياق كيىممەن جۇرە الامىن»، - دەيدى جادىرا يسايەۆا.

مامانداردىڭ ايتۋىنشا، جادىرانىڭ تۋا بىتكەن اقاۋىنان كوكسارتروز اسقىنعان. بۇل - ەڭبەككە جارامسىزدىققا جانە مۇگەدەكتىككە اكەلەتىن اۋىر تۇردە اسقىناتىن دەگەنەراتيۆتى- ديستروفيالىق بۋىن اۋرۋى.


«ءبىز 4 س م رەزەكتسيا جاسادىق، ياعني اياقتىڭ ۇزىندىعىن، سونىمەن قاتار جامباس بۋىنىنىڭ ريەۆيزيالىق ەندوپروتەزىن ورنىن تولتىردىق. ۋاقىت وتە كەلە جامباس اناتوميالىق جاعدايعا كەلەدى، تولىعىمەن ەمەس، ءبىراق شامامەن %70. بۇنداي اۋىر، تۋا بىتكەن پاتولوگيا وتە سيرەك كەزدەسەدى. ءىس جۇزىندە باستاپقى كوكسارتروز، ارتروز، جامباس موينىنىڭ سىنۋى، ۆالگۋس دەفورماتسياسى ءجيى كەزدەسەدى. بۇل جاعدايدا انالىق پروكسيمالدى بولىكتىڭ ۆالگۋس دەفورماتسياسى بولدى - سۇيەك سىرتقا قاراي يىلگەن. ۇزاق ۋاقىت بويى پاتسيەنت وسىلاي جۇرگەن. ءبىز وڭ جاق جامباس بۋىنىنىڭ العاشقى ەندوپروتەزىن جۇرگىزدىك. پاتسيەنتتىڭ جاي- كۇيى جاقسى، الداعى ۋاقىتتا ناۋقاس اقساڭداماي، ءبىرقالىپتى جۇرەتىن بولادى»، - دەدى №4 قالالىق كلينيكالىق اۋرۋحانانىڭ ەندوپروتەزدەۋ بولىمشەسىنىڭ مەڭگەرۋشىسى ماناربەك اۋباكىروۆ.

دارىگەرلەردىڭ جوسپارى بويىنشا جادىرا يسايەۆا 1,5-ايدان كەيىن №4 اۋرۋحانادا وڭالتۋ كۋرسىنان ءوتۋى ءتيىس، سودان كەيىن ول بالداقتار تۋرالى ماڭگى ۇمىتا الادى.


«كونسۋلتاتسيا الۋعا بارعان كەزدە دارىگەرلەر ماعان ماناربەك عازيز ۇلىنا قارالۋدى ۇسىندى. ءۇشىنشى كۇنى العاشقى وپەراتسيادان كەيىن مەن اياعىما تۇرىپ، اۋىرسىنۋسىز ءجۇردىم. مۇندا مەديتسينا قىزمەتكەرلەرى جاقسى، بارلىق جاعدايىڭدى جاسايدى، ءبىز ءوزىمىزدى جايلى سەزىندىك، انەستەزيولوگ دارىگەرلەرگە جەكە العىسىمىزدى بىلدىرەمىن، ويتكەنى ءبىر ساتتە ءبىزدىڭ ءومىرىمىز سولاردىڭ قولىندا، وتادان كەيىن ءبىر اپتا وتكەندە انەستەزيولوگ دارىگەر پالاتاعا كەلىپ، مەنىڭ حال- جاعدايىمدى سۇرادى. نەگىزگى جۇمىستى مەيىربيكەلەر مەن سانيتارلار اتقاردى. ولاردىڭ ەڭبەكقورلىعى مەن مەيىرىمدىلىگىنە تاڭ قالامىن. وپەراتسيادان كەيىن ادامنىڭ جاعدايىن ءتۇسىنىپ، بارىنشا جاعدايىمدى جاساۋعا تىرىستى. ەكى ايدان كەيىن مەن وڭالتۋعا كەلەمىن»، - دەيدى ناۋقاس.


الماتى قالاسىنىڭ №4 قالالىق كلينيكالىق اۋرۋحاناسىنىڭ ەندوپروتەزدەۋ بولىمشەسى 2012 -جىلدان باستاپ جۇمىس ىستەيدى، مۇندا تىرەك- قيمىل جۇيەسىنىڭ پاتولوگياسى بار پاتسيەنتتەرگە جوعارى تەحنولوگيالىق مەديتسينالىق كومەك كورسەتىلەدى. تەك 2019 -جىلدىڭ وزىندە بولىمشە حيرۋرگتارى جامباس، تىزە، يىق جانە شىنتاق بۋىندارىن ەندوپروتەزدەۋ بويىنشا 1637 وپەراتسيا جانە 109 جەدەل ريەۆيزيا جۇرگىزدى.


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات