قازاقستاندا بيىل 43 مىڭنان استام ادام زەينەتكە شىقتى
«بيىلعى جىلدىڭ 7 ايىندا 43453 قازاقستاندىق جاسىنا بايلانىستى زەينەتاقىنىڭ تاعايىندالۋىنا ءوتىنىش ءبىلدىردى.
زەينەتكەرلىككە شىققانداردىڭ اراسىندا الماتى (5 مىڭنان استام)، تۇركىستان (4,5 مىڭنان استام) جانە شىعىس قازاقستان (3,8 مىڭنان استام) وبلىستارىنىڭ تۇرعىندارى كوپ. ەڭ تومەنگى كورسەتكىش اتىراۋ وبلىسىنا تيەسىلى، وندا 7 اي ىشىندە 1295 تۇرعىن زەينەتكەرلىكتى راسىمدەگەن»، دەلىنگەن حابارلامادا.
ايتا كەتەيىك، وتكەن جىلدىڭ ءدال وسى كەزەڭىندە 41 مىڭنان استام ازامات زەينەتكە شىققان. ەستەرىڭىزگە سالساق، جاسىنا بايلانىستى زەينەتاقى تولەمدەرىن تاعايىنداۋ تۋرالى ءوتىنىشتى زەينەت جاسى تولعانعا دەيىن 10 كۇن بۇرىن «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ فرونت- وفيسى ارقىلى بەرۋ كەرەك.
ح ق و- عا بارۋ ءۇشىن الدىمەن egov.kz پورتالى نەمەسە eGovKzBot2.0 تەلەگرام بوتى ارقىلى كەزەك ۋاقىتىن برونداۋ قاجەت. سونداي- اق كوروناۆيرۋستىڭ تارالۋىن بولدىرماۋ ماقساتىندا مەملەكەتتىك كورپوراتسيا eGov.kz پورتالىنا ەلەكتروندى ءوتىنىشتى جىبەرۋ ارقىلى قاشىقتان زەينەتاقى تاعايىنداۋ مۇمكىندىگىن قاراستىردى. ءوتىنىش بەرۋ ءۇشىن ازامات ەلەكتروندىق سيفرلىق قولتاڭبا نەمەسە ءبىرجولعى قۇپيا ءسوز ارقىلى egov.kz پورتالىنا كىرۋ كەرەك. سودان كەيىن «ەلەكتروندىق وتىنىشتەر» سەرۆيسىن تاڭداپ، قىزمەتكە ونلاين تاپسىرىس بەرۋ قاجەت. سودان كەيىن جەكە اقپارات، ونىڭ ىشىندە ەلەكتروندى پوشتا مەكەنجايى، تەلەفون ءنومىرى، قىزمەت اتاۋى جانە ت. ب. مالىمەتتەر تولتىرىلۋى ءتيىس.
سونداي- اق قۇجاتتاردىڭ سكانەرلەنگەن نەمەسە فوتو كوشىرمەسىن (قاجەت ءتىزىمدى 1414 بايلانىس ورتالىعىنان نەمەسە gov4c.kz ۆەب- سايتىنداعى «مەملەكەتتىك قىزمەتتەر ستاندارتتارى» بولىمىنەن بىلۋگە بولادى)، سونىڭ ىشىندە قىزمەت الۋشىنىڭ جەكە قولتاڭباسىمەن كۋالاندىرىلعان ءوتىنىشتى دە جۇكتەۋ قاجەت. جولداناتىن تاراپ باعانىندا - «ازاماتتارعا ارنالعان ۇكىمەت» مەملەكەتتىك كورپوراتسياسىنىڭ ايماقتىق فيليالىن تاڭداۋ كەرەك. ءوتىنىمنىڭ سوڭىندا ە س ق- مەن قول قويىلۋى ءتيىس. سۇراقتار تۋىنداعان جاعدايدا، مەملەكەتتىك كورپوراتسيانىڭ قىزمەتكەرلەرى قىزمەت الۋشىمەن كورسەتىلگەن تەلەفون ءنومىرى ارقىلى بايلانىسادى. مەملەكەتتىك قىزمەت ناتيجەسى قىزمەت الۋشىنىڭ جەكە كابينەتىندە كورسەتىلەدى.
ايتا كەتۋ كەرەك، ب ج ز ق- دان تولەنەتىن تولەمدەر مەن بازالىق زەينەتاقى تولەمدەرىنە ءوتىنىش كومپوزيت اياسىندا ءبىر ءوتىنىش ارقىلى ۇسىنىلادى. ەسكە سالا كەتسەك، الەۋمەتتىك جەلىدە قازاقستانداعى زەينەتكە شىعۋ جاسىنىڭ وزگەرۋى تۋرالى اقپارات تارادى. ەڭبەك جانە حالىقتى الەۋمەتتىك قورعاۋ مينيسترلىگى بۇل اقپاراتتىڭ شىندىققا جاناسپايتىنىن ءمالىم ەتتى.
Stopfake.kz سايتىنىڭ حابارلاۋىنشا، Facebook قولدانۋشىسىنىڭ ءبىرى پاراقشاسىندا جاريالاعان سكرينشوتتا ەر ادامدار 61 جاستا، ايەلدەر 57 جاستا زەينەتكە شىعادى دەلىنگەن. ماتىنمەن بىرگە قازاقستان پرەزيدەنتىنىڭ سۋرەتى بەرىلگەن. ەڭبەك جانە حالىقتى الەۋمەتتىك قورعاۋ مينيسترلىگى بۇل اقپارتتى جوققا شىعاردى. «بۇل - فەيك، زەينەتكە شىعۋ جاسىنىڭ وزگەرىسى تۋرالى ەشقانداي ءسوز بولعان جوق»، - دەپ مالىمدەدى مينيسترلىك.