قازاقستاندا 43 گرادۋس اپتاپ: ءبىرقاتار وڭىردە اۋا رايىنا بايلانىستى ەسكەرتۋ جاريالاندى

نۇر- سۇلتان. قازاقپارات - اۋا رايىنىڭ بۇزىلۋىنا بايلانىستى ەلىمىزدىڭ ءبىرقاتار وڭىرىندە ەسكەرتۋ جاريالاندى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

12 - شىلدە كۇنگى اۋا رايى بولجامى 14 - شىلدەدە قىزىلوردا وبلىسىنىڭ كەي جەرلەرىندە شاڭدى داۋىل ساقتالادى. وبلىستا جانە قىزىلوردا قالاسىندا سولتۇستىك- شىعىستان سوققان جەلدىڭ كۇشى 15-20 م/س جەتەدى. كۇندىز 43 گرادۋس اپتاپ ىستىق بولادى. وسى كۇنى قىزىلوردا قالاسىندا شاڭدى داۋىل سوعىپ، 41 گرادۋس ىستىق ساقتالادى. 14 - شىلدە كۇندىز اقمولا وبلىسىنىڭ كەي جەرلەرىندە نايزاعاي جارقىلداپ، سولتۇستىكتەن جانە سولتۇستىك- شىعىستان سوققان جەلدىڭ ەكپىنى 15-20 م/س دەيىن كۇشەيەدى. 14-16 - شىلدەدە وبلىستىڭ كەي جەرلەرىندە 35 گرادۋس ىستىق جانە وتە جوعارى ءورت قاۋپى ساقتالادى.

14 - شىلدەدە ماڭعىستاۋ وبلىسىنىڭ كەي جەرلەرىندە شاڭدى داۋىل سوعىپ، جەل وڭتۇستىك- شىعىستان سولتۇستىك- باتىسقا اۋىسادى. جەل جىلدامدىعى - 15-20 م/س. كۇندىز كەي جەرلەردە نايزاعاي ويناپ، 38-41 گرادۋس قاتتى ىستىق ساقتالادى. كۇندىز 14-16 - شىلدەدە قوستاناي وبلىسىندا جانە وبلىس ورتالىعىندا 35-39 گرادۋس ىستىق بولادى.

14 - شىلدەدە قاراعاندى وبلىسىندا سولتۇستىك- شىعىستان جانە شىعىستان جەل سوعادى. كەي جەرلەردە جەل قارقىنى 15-20 م/س جەتەدى. جەزقازعان قالاسىندا سولتۇستىك- شىعىستان جانە شىعىستان سوققان جەلدىڭ ەكپىنى كۇندىز 18 م/س دەيىن كۇشەيەدى.