قازاقستاننىڭ ءبىرقاتار وڭىرلەرىندە 43 گرادۋسقا دەيىن ىستىق بولادى

استانا. قازاقپارات - سينوپتيكتەر 17-19- شىلدەگە ارنالعان اۋا رايى بولجامىن جاريالادى، دەپ حابارلايدى قازاقپارات «قازگيدرومەت» ر م ك- عا سىلتەمە جاساپ.

«قازاقستاننىڭ وڭتۇستىك، وڭتۇستىك-باتىس جانە باتىس ءوڭىرىنىڭ كەي جەرلەرىندە الداعى ءۇش تاۋلىكتە اۋا تەمپەراتۋراسى پليۋس 40...43 گرادۋسقا دەيىن ىستىق بولادى. بۇل اۋا رايى كىشى ازيا اۋداندارىنان ىستىق اۋانىڭ كەلۋىمەن بايلانىستى. رەسپۋبليكانىڭ شىعىس جانە وڭتۇستىك-شىعىس وبلىستارى اتموسفەرالىق اۋا اعىندارىنىڭ ىقپالىندا بولادى. وسى وڭىرلەرگە سىبىردەن سالقىن جانە ىلعالدى اۋا ماسسالارى اۋىسىپ، نايزاعاي ويناپ، وتكىنشى جاڭبىر جاۋادى»، - دەلىنگەن حابارلامادا.

ال، سولتۇستىك وبلىستارعا كولا تۇبەگىنەن جىلجىعان انتيتسيكلون ىعىسىپ، جاۋىن-شاشىن توقتايدى.