ەلىمىزدىڭ باتىسىندا 43 گرادۋسقا دەيىن ىستىق بولادى

استانا. قازاقپارات - قازگيدرومەت 23-25- ماۋسىم ارالىعىنا اۋا رايى بولجامىن جاريا ەتتى، دەپ حابارلايدى قازاقپارات.

«قازاقستانعا قىسقا مەرزىمدى ۇزىلىستەن كەيىن باتىس ءسىبىردىڭ سولتۇستىك اۋداندارىنان سالقىن جانە دىمقىل اۋا ماسسالارى قايتا كەلە باستادى. ءبىراق الداعى تاۋلىكتەردە رەسپۋبليكانىڭ وڭتۇستىك جانە ورتالىق وبلىستارىنا يراننان جىلى اۋا اعىندارى ىعىسادى. سوندىقتان، دەمالىس كۇندەرى رەسپۋبليكانىڭ باسىم بولىگىندە نايزاعاي ويناپ، جاڭبىر جاۋادى جانە كۇشتى جەل سوعىپ، كەي جەرلەردە بۇرشاق تۇسەدى جانە اۋا تەمپەراتۋراسى تومەندەۋى مۇمكىن»، - دەلىنگەن ۆەدومستۆونىڭ حابارلاماسىندا.

ەلىمىزدىڭ باتىس بولىگىندە انتيتسيكلوننىڭ ىقپالىمەن اۋا رايى جاۋىن-شاشىنسىز ىستىق بولۋى ىقتيمال. اۋا تەمپەراتۋراسى 32-37 گرادۋسقا، كەي جەرلەردە 40.. 43 گرادۋسقا دەيىن جوعارىلايدى.