نۇر- سۇلتاندا وتەتىن جارمەڭكەگە اقمولا وبلىسىنان 435 توننا ءونىم اكەلىنەدى

كوكشەتاۋ. قازاقپارات - قىركۇيەكتىڭ 26-27-كۇندەرى نۇر- سۇلتان قالاسىندا اقمولا وبلىسى تاۋار وندىرۋشىلەرىنىڭ قاتىسۋىمەن اۋىلشارۋاشىلىق جارمەڭكەسى وتەدى، دەپ حابارلايدى قازاقپارات ءتىلشىسى وبلىستىق ىشكى ساياسات باسقارماسىنا سىلتەمە جاساپ.

«حان شاتىر» ساۋدا جانە ويىن- ساۋىق ورتالىعىنىڭ الدىنداعى الاڭدا وتەتىن جارمەڭكەگە جالپى قۇنى 196,8 ميلليون تەڭگە بولاتىن 435 تونناعا جۋىق ءونىم جەتىكىزىلەدى. ونىڭ ىشىندە 75 توننادان استام ەت جانە ەت ونىمدەرى، 330 مىڭ دانا جۇمىرتقا، 35 توننا ءسۇت جانە ءسۇت ونىمدەرى، 40 توننادان استام ۇن، 143,2 توننا كارتوپ، كوكونىس ءتارىزدى وزگە دە ونىمدەر بار. ەلوردا تۇرعىندارى مەن قوناقتارى ازىق- تۇلىك تاۋارلارىنىڭ 50 دەن استام ءتۇرىن نارىق باعاسىنان 10-15 پايىز ارزانعا ساتىپ الا الادى. وتاندىق ونىمدەردى وبلىستىڭ ەكى قالاسى مەن 17 اۋدانىنداعى 100 دەن استام كاسىپورىن ۇسىنادى.