ءبىر دوللار 431 تەڭگە: ۇلتتىق بانك ايىرباس باعامىنا تۇسىنىك بەردى

None
None
نۇر- سۇلتان. قازاقپارات - ۇلتتىق بانك ءتوراعاسىنىڭ ورىنباسارى ءاليا مولدابەكوۆا تەڭگەنىڭ ايىرباس باعامىنا قاتىستى جاعدايدى ءتۇسىندىردى، دەپ حابارلايدى قازاقپارات ءتىلشىسى.

تەڭگەنىڭ ا ق ش دوللارىنا شاققانداعى باعامى 30 قىركۇيەكتەگى ساۋدا- ساتتىقتىڭ اشىلۋىندا ءبىر دوللار ءۇشىن 431 تەڭگە بەلگىسىنەن استى جانە الدىڭعى كۇننىڭ جابىلۋىمەن سالىستىرعاندا %0,4 عا السىرەدى.

«مۇناي باعاسىنىڭ قۇلدىراۋى ۇلتتىق ۆاليۋتانى السىرەتتى جانە نارىقتىڭ بۇدان بىلايعى پەرسپەكتيۆالارى مەن كومىرسۋتەكتەرگە سۇرانىسقا قاۋىپ توندىرەدى. كوروناۆيرۋستىق ينفەكتسيامەن اۋىرۋ جاعدايلارىنىڭ ۇلعايۋى اياسىندا الەمدە وتىنعا ورنىقتى سۇرانىستىڭ ۇزاق ۋاقىت بويى قالپىنا كەلۋ جانە الەمدىك ەكونوميكانىڭ ءوسۋ تاۋەكەلدەرى كۇشەيدى. كوپتەگەن ەكونوميستەر مەن نارىق ويىنشىلارىنىڭ كۇتۋلەرى بويىنشا مۇنايدى تۇتىنۋدىڭ ايتارلىقتاي ءوسۋى كەيىنگى 1,5-2 -جىلدا عانا ورىن الماق. سونىمەن قاتار، ليۆيادا شيكىزات ءوندىرۋدىڭ الەۋەتتى قالپىنا كەلتىرىلۋى مۇناي باعاسىن بەلگىلەۋگە قىسىم كورسەتتى»، - دەدى ءاليا مولدابەكوۆا.

ناتيجەسىندە 29-قىركۇيەكتە Brent سۇرىپتى مۇناي باررەلىنىڭ قۇنى $42,43 دوللاردان $41,03 دوللارعا دەيىن نەمەسە %3,3 عا، ال WTI سۇرىپتى مۇناي باررەلىنىڭ قۇنى $40,6 دوللاردان $39,29 دوللارعا نەمەسە %3,2- عا تومەندەپ، $40 دوللارعا جەتتى.

ۇلتتىق بانك باسپا ءسوز قىزمەتىنىڭ حابارلاۋىنشا، Brent $40,54 دوللار دەڭگەيىندە ساۋدالانادى، بۇل ايدىڭ باسىنداعى دەڭگەيدەن %10,5 عا تومەن. وسى كەزەڭدە تەڭگە باعامى 431,64 كە دەيىن %2,7 عا السىرەدى. جالپى العاندا، الەمدىك قارجى نارىعىندا قۇبىلمالىلىقتىڭ ءوسۋى جانە جاھاندىق «risk-off» بايقالادى، بۇل دامۋشى نارىقتار ۆاليۋتالارىنىڭ تەرىس سەرپىنىنە اسەر ەتەدى.

ايدىڭ باسىنان باستاپ تۇرىك ليراسى%6,7 عا، برازيليا رەالى مەن مەكسيكا پەسوسى %2,6 عا قۇنسىزداندى. رەسەي ءرۋبلى قىركۇيەك ايىنىڭ باسىنان بەرى%6,6 عا ايتارلىقتاي تومەندەدى. 29 قىركۇيەكتە رەسەي ءرۋبلى ەڭ تومەنگى كورسەتكىش 79,97 گە جەتتى. رۋبل باعامىنىڭ السىرەۋى گەوساياسي تاۋەكەلدەردىڭ وسۋىنە جانە ەو سانكتسيالىق تىزىمدەرىنىڭ كەڭەيۋ ىقتيمالدىعى تۋرالى حابارلارعا بايلانىستى بولدى.

سوڭعى جاڭالىقتار