+7 (701) 759 90 19 Лента
14 °С : نۇر-سۇلتان
17 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

ب. ساپاربايەۆ: شەتەلدىك جۇمىس كۇشى رەتىندە قىتايلىقتارعا جىلىنا 4300 كۆوتا بەرىلگەن

6 قىركۇيەك 08:21
:ءبولىسۋ
ب. ساپاربايەۆ: شەتەلدىك جۇمىس كۇشى رەتىندە قىتايلىقتارعا جىلىنا 4300 كۆوتا بەرىلگەن

نۇر-سۇلتان. قازاقپارات - شەتەلدىك جۇمىس كۇشىنە بەرىلەتىن جىل سايىنعى كۆوتا 30 مىڭنان اسپايدى.

بۇل تۋرالى ۇلتتىق اكادەميالىق كىتاپحانادا زيالى قاۋىم وكىلدەرىمەن كەزدەسكەن ۆيتسە-پرەمەر بەردىبەك ساپاربايەۆ ايتتى، دەپ حابارلايدى قازاقپارات ءتىلشىسى.

«ەسكى تەحنولوگياسى بار بىردە- ءبىر زاۋىت قازاقستانعا كەلمەيدى. بۇل ەڭ ءبىرىنشى تالاپ بولاتىن. 55 زاۋىت بولا ما، باسقا ما، ولاردىڭ بارلىعى جاڭا تەحنولوگيالارمەن جۇمىس ىستەيدى. ەكىنشىدەن، ەكونوميكامىز دامۋى ءۇشىن ينۆەستيسيالار قاجەتتىگىن جاقسى بىلەسىزدەر. مۇنسىز بولمايدى. ءبىزدىڭ ينۆەستيسيالار جەتكىلىكسىز. قازاقستان ەكونوميكاسىنىڭ دامۋىنىڭ جالعىز كوزى - بۇل ءتۇسىپ جاتقان ينۆەستيسيالاردىڭ ناتيجەسى. بولجام بويىنشا، اتالعان 55 زاۋىتتىڭ ەسەبىنەن قازاقستانعا 28 ميلليارد دوللار ينۆەستيسيا كەلەدى. ءبىراق ءبىز كىمنىڭ كەلەتىنىن، وندا كىمدەر جۇمىسقا تارتىلاتىنىن قارايتىن بولامىز. بىزدە زاڭ جانە ءتارتىپ بار. جىل سايىن شەتەلدىك جۇمىس كۇشىن تارتۋعا كۆوتا بولىنەدى. كۆوتالاردىڭ سانى 23 مىڭنان باستالادى، ءبىراق 30 مىڭنان اسپايدى. زاۋىت سالىنعاننان كەيىن وسىنشاما جۇمىس ورنى قۇرىلۋى تيىستىگى تۋرالى ايتامىز. مىسالعا، قىتايلىق ينۆەستيسيالارعا بايلانىستى 20 مىڭنان كەم ەمەس جۇمىس ورنى قۇرىلۋى قاجەت. شەتەلدىك جۇمىس كۇشىنە 23 مىڭ ادام كولەمىندە كۆوتا ءبولىندى. ولاردىڭ ىشىندە قىتايلىقتار دا، ەۋروپالىقتار، ۇندىستەر جانە تاعى باسقالارى بار. سونىڭ اراسىندا قىتايلىقتارعا كۆوتا 4300 دى قۇرايدى. ءۇش جىل بۇرىن ولارعا كۆوتا 12 مىڭدى قۇراعان بولاتىن»، - دەدى ب. ساپاربايەۆ.

ۇكىمەت باسشىسىنىڭ ورىنباسارى اتاپ وتكەندەي، ۇكىمەت شەتەلدىك جۇمىس كۇشىنىڭ تىم اسىرا اعىلۋىنا جول بەرمەيدى. سەبەبى بۇل مەملەكەتتىڭ الەۋمەتتىك ساياساتىنا كەرەعار. ونىمەن بىرگە، ۇكىمەت بىلىكتىلىگى تومەن شەتەلدىك جۇمىسشىلاردى ەلگە كىرگىزۋگە تىيىم سالاتىن قاتاڭ ەرەجەلەردى بەكىتتى.

بۇل رەتتە، ەگەر شەتەلدىك كومپانيا قازاقستاندا قاجەتتى مامانداردى تاپپاسا وعان كۆوتا بەرىلەدى. ءبىراق وندا دا ءبىر شارتپەن - بەلگىلى ءبىر ۋاقىت ىشىندە مۇنداي مامانداردى قازاقستاندىق قىزمەتكەرلەر اراسىنان دايىنداپ شىعۋى ءتيىس بولادى.

سونداي-اق ب. ساپاربايەۆ اتاپ وتكەندەي، قازىر قازاقستاندىقتارمەن سالىستىرعاندا شەتەلدىك جۇمىسشىلاردىڭ جالاقىسىنىڭ نەگىزسىز كوپ بولۋىنا تەكسەرىس جۇرگىزىلىپ جاتىر.

اۋدارما: ميرا تولەندى قىزى


باستى سوزدەر: الةم,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات