شىعىس قازاقستاندا 42 گەكتارعا جايىلعان الاپات ءورت اۋىزدىقتالدى
8 تامىز 20:13

شىعىس قازاقستاندا 42 گەكتارعا جايىلعان الاپات ءورت اۋىزدىقتالدى

وسكەمەن. قازاقپارات - شىعىس قازاقستان وبلىسى سامار اۋدانىندا ءىرى دالا ءورتى اۋىزدىقتالدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، 5- تامىز كۇنى سامار اۋدانىندا ءشوپ ورتەنگەن. جالپى اۋدانى 42 گەكتارعا جەتكەن قىزىل جالىنمەن كۇرەس 3 كۇنگە سوزىلدى.

«بۇگىن ساعات 13.45 شاماسىندا ءورت اۋىزدىقتالدى. ءتىلسىز جاۋدى سوندىرۋگە جەرگىلىكتى اتقارۋشى ورگانداردىڭ، ت ج د ءورت ءسوندىرۋ بولىمشەلەرىنىڭ، كراسنوگور جانە قايىندى ورمانشىلىقتارىنىڭ، سارىبەل تىرەك پۋنكتىنىڭ كۇش-قۇرالدارى جۇمىلدىرىلدى»، - دەپ حابارلادى ۆەدومستۆو وكىلدەرى.

ءورت ورمان قورى مەن ەلدى مەكەندەرگە جەتپەدى.

ەستەرىڭىزگە سالا كەتسەك، وسىعان دەيىن شىعىس قازاقستاندا ءورت سوندىرۋشىلەردىڭ ءىرى دالا ورتىمەن كۇرەسىپ جاتقانىن حابارلاعان ەدىك.

جاڭالىقتار