قازاقستان اۋعانستاننان 42 ادامدى ەۆاكۋاتسيالادى
بۇل تۋرالى ق ر قورعانىس مينيسترلىگىنىڭ باسپا ءسوز قىزمەتىنەن ءمالىم بولدى، دەپ حابارلايدى قازاقپارات.
«بۇگىن ساعات 17:00-دە ق ر اسكەري اۋە كۇشتەرىنىڭ س-295 اسكەري-كولىك ۇشاعى اۋعانستاننان ەۆاكۋاتسيالانعان 42 جولاۋشىمەن الماتىعا ءساتتى قوندى. قازاقستانعا 25 قازاقستان ازاماتى، ونىڭ ىشىندە 15 ەرەسەك ادام جانە 10 بالا، سونداي-اق ق ر ەلشىلىگىنىڭ قىزمەتكەرلەرى كەلدى»، - دەلىنگەن مينيسترلىك مالىمەتىندە.
ودان باسقا، وسى بورتپەن قىرعىزستان تاراپىنىڭ ءوتىنىشى بويىنشا بۇل ەلدىڭ 14 ازاماتى ەۆاكۋاتسيالاندى. گۋمانيتارلىق وپەراتسيا رەتىندە وسى ۇشاقپەن ق ر ەلشىلىگىنە كومەك سۇراپ جۇگىنگەن 1 رەسەي ازاماتى مەن 1 ليتۆا ازاماتى ا ي ر-دان شىعارىلدى.
«قازاقستان رەسپۋبليكاسى ءاردايىم شەتەلدەگى ءوز ازاماتتارىنىڭ مۇددەلەرى مەن قۇقىقتارىن قورعايدى»، - دەپ اتالىپ وتكەن حابارلامادا.