ەكى وبلىستا 42 گرادۋس اپتاپ ىستىق بولادى

نۇر-سۇلتان. قازاقپارات - ءبىرقاتار وڭىردە اۋا رايىنا بايلانىستى ەسكەرتۋ جاسالدى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

15- شىلدە ماڭعىستاۋ وبلىسىندا كۇندىز كەي جەرلەردە نايزاعاي جارقىلداپ، شاڭدى داۋىل سوعادى. وبلىستا جانە اقتاۋ قالاسىندا جەلدىڭ باعىتى وڭتۇستىك-شىعىستان سولتۇستىك-باتىسقا اۋىسادى.

جەل ەكپىنى كەي جەرلەردە 18 م/س جەتەدى. كۇندىز كەي جەرلەردە 38-42 گرادۋس اپتاپ ىستىق ساقتالادى.

15- شىلدە قىزىلوردا وبلىسىنىڭ كەي جەرلەرىندە جانە وبلىس ورتالىعىندا شاڭدى داۋىل تۇرادى. سولتۇستىك-شىعىستان سوققان جەلدىڭ قارقىنى تۇندە كەي جەرلەردە - 15-20 م/س، كۇندىز - 15-20 م/س، كەي جەرلەردە - 23 م/س بولادى.

كۇندىز 41 گرادۋس قاتتى ىستىق كۇتىلەدى. 15- شىلدە كۇندىز اقتوبە وبلىسىنىڭ كەي جەرلەرىندە وڭتۇستىك- شىعىستان سوققان جەلدىڭ ەكپىنى 18 م/س دەيىن كۇشەيەدى.