بۋرابايدا بيىكتىگى 42 مەترلىك شولۋ شەڭبەرى جانە اتتراكتسيوندار اشىلادى
«بۋراباي دامۋ» ج ش س ءبىرىڭعاي بايلانىس ورتالىعىنىڭ باسشىسى ازامات بايمۇقانوۆقا سىلتەمە جاساپ. ونىڭ ايتۋىنشا، نىسان قۇرىلىسى « شۋچە- بۋراباي كۋرورتى ايماعىن دامىتۋ» مەملەكەتتىك باعدارلاماسى شەڭبەرىندە جەكە ينۆەستورلاردى تارتۋ ارقىلى جۇزەگە اسىرىلۋدا. شولۋ شەڭبەرى مەن ءتۇرلى قىزىقتى اتتراكتسيوندار بۋراباي كۋرورتتىنا دەمالۋعا كەلەتىن تۋريستەردىڭ كوڭىل كوتەرىپ، دەمالاتىن سۇيىكتى ورنىنا اينالماق.
«بۇل - جالپى قۇنى 347 ميلليون تەڭگەنى قۇرايتىن ينۆەستيتسيالىق جوبا. ونى ينۆەستور «كولەسو ۋداچي» ج ش س جۇزەگە اسىرۋدا. نىسان بۋراباي كەنتىنىڭ ورتالىعىنداعى «بۋراباي دامۋ» ج ش س ۆيزيت ورتالىعىنىڭ اۋماعىندا ورنالاسادى. قازىرگى كەزدە جەر تەلىمى انىقتالىپ، شولۋ شەڭبەرىن مونتاجداۋ ءۇشىن العاشقى قازىعىن قاعۋ جۇمىستارى ءجۇرىپ جاتىر. كوروناۆيرۋس پاندەمياسى كەدەرگى كەلتىرمەسە، اتالمىش نىساندى ۇستىمىزدەگى جىلدىڭ شىلدە- تامىز ايلارىندا پايدالانۋعا بەرۋ جوسپارلانعان»، - دەيدى ازامات بايمۇقانوۆ.
سونىمەن قاتار، ول بيىكتىگى 42 مەتر شولۋ شەڭبەرىنەن بولەك، وتباسىلىق، بالالار جانە ەكسترەمالدى باعىتتاعى اتتراكتسيونداردى اشۋ دا جوسپاردا بارىن ايتتى. بۇل بۋراباي تۇرعىندارى مەن قوناقتارىنا كۋرورتى ايماقتىڭ كوركىن جىل بويى تاماشالاۋعا مۇمكىندىك بەرەدى. اتتراكتسيون تاۋلىك بويى جۇمىس ىستەيدى. ايتا كەتەيىك، وسىعان دەيىن حابارلاعانىمىزداي، «شۋچە- بۋراباي كۋرورتى ايماعىن دامىتۋ» مەملەكەتتىك باعدارلاماسى شەڭبەرىندە 2025 -جىلدارى وڭىرگە كەلەتىن تۋريستەر سانىن 1,6 ميلليونعا جەتكىزۋ جوسپارلانىپ وتىر.