+7 (701) 759 90 19 Лента
20 °С : Нур-Султан
22 °С : الماتى
USD 384.87 EUR 432.52
RUB 6.11 CNY 55.95
جاڭالىقتار

اقمولا وبلىسىندا 42 ميلليونعا جۋىق تەڭگەنىڭ اشەكەيلىك بۇيىمدارى ۇرلاندى

26 ماۋسىم 08:10 598
:ءبولىسۋ
اقمولا وبلىسىندا 42 ميلليونعا جۋىق تەڭگەنىڭ اشەكەيلىك بۇيىمدارى ۇرلاندى

كوكشەتاۋ. قازاقپارات - اقمولا وبلىسىندا قۇنى شامامەن 42 ميلليون تەڭگە بولاتىن ۇرلىقتىڭ بەتى اشىلدى، دەپ حابارلايدى قازاقپارات وڭىرلىك پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

ۆەدومستۆو وكىلدەرى حابارلاعانداي، 3 -ماۋسىم كۇنى بۋراباي اۋداندىق پوليتسيا بولىمىنە جەرگىلىكتى تۇرعىننان لومبارد تونالعانى جونىندە شاعىم تۇسكەن.

شاعىم يەسىنىڭ سوزىنشە، ماۋسىمنىڭ 2 نەن 3 ىنە قاراعان ءتۇنى ۇرىلار جەرگىلىكتى تۇرعىن ۇيلەردىڭ بىرىندە ورنالاسقان لومبارد عيماراتىنا كىرىپ، اشەكەيلىك بۇيىمداردى قولدى ەتكەن. لومبارد يەسىنە كەلتىرىلگەن شىعىن 42 ميلليون تەڭگەگە جۋىق قارجىنى قۇرادى.

«جەدەل- تەرگەۋ توبىنىڭ وكىلدەرى وقيعا بولعان اۋماقتى قاراپ، قىلمىستان قالعان ىزدەردى تەكسەردى، سونداي-اق لومبارد قىزمەتكەرلەرىنەن جاۋاپ الدى. ءتارتىپ ساقشىلارى لومباردتىڭ بەينەباقىلاۋ كامەرالارى مەن ونىڭ اينالاسىن جانە وعان جاقىن اۋماقتى زەردەلەدى. قىلمىستى ىزدەستىرۋ جۇمىستارى دەپارتامەنت باسشىلىعىنىڭ جەكە باقىلاۋىندا بولدى. ال تولىققاندى جەدەل-ىزدەستىرۋ شارالارىن جۇرگىزۋ ءۇشىن ۆەدومستۆونىڭ تاجىريبەلى قىزمەتكەرلەرىنەن ارنايى توپ قۇرىلدى»، - دەپ حابارلادى ۆەدومستۆو وكىلدەرى.

اشەكەيلىك بۇيىمداردى تابۋ ماقساتىندا پوليتسيا قىزمەتكەرلەرى اقمولا وبلىسى مەن نۇر-سۇلتان قالاسىنداعى بارلىق لومباردتاردى تەكسەرىپ شىقتى. سونداي-اق ولار بۇرىن مۇلىك توناپ سوتتالعان ازاماتتاردىڭ بارلىعىن تەكسەردى.

«لومباردتى توناۋى مۇمكىن دەگەن كۇدىكپەن پوليتسيا قىزمەتكەرلەرى 3 ادامنان تۇراتىن توپتى انىقتادى. ولار: 30 بەن 26 جاس ارالىعىنداعى شۋچينسك قالاسىنىڭ ەكى تۇرعىنى مەن 30 جاستاعى ەلوردا تۇرعىنى بولاتىن. ۇرلىق ارەكەتى بويىنشا ق ر ق ك-نىڭ 188 -بابى 3 -بولىگى بويىنشا سوتقا دەيىنگى تەرگەۋ باستالدى. ۇرلانعان بۇيىمداردىڭ ءبىر بولىگى تاركىلەندى»، - دەپ حابارلادى وڭىرلىك پوليتسيا دەپارتامەنتىنىڭ وكىلدەرى.

ۇستالعاندار ۋاقىتشا ۇستاۋ وقشاۋلاعىشىنا قاماۋعا الىنىپ، ولاردىڭ وسى سياقتى وزگە دە قىلمىستارعا قاتىستىلىعى تەكسەرىلۋدە.

 


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
Кожакелдиев Е.
Кожакелдиев Е.
954-049
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات