قازاقستاندا 42500 تەڭگە جاردەماقى الۋ ءتارتىبى وزگەردى
ءتيىستى بۇيرىققا 2- تامىزدا ەڭبەك جانە حالىقتى الەۋمەتتىك قورعاۋ مينيسترلىگىنىڭ باسشىسى قول قويدى دەپ حابارلايدى KAZ. NUR. KZ.
وسىلايشا، بۇيرىققا سايكەس، قازاقستاندىقتار تامىز ايىندا ەكى اپتا كارانتين ءۇشىن 21250 الادى.
قايتا ءوتىنىش بەرۋدىڭ قاجەتى جوق، تولەم اۆتوماتتى تۇردە تاعايىندالادى. دەگەنمەن، بەلگىلى جاڭالىقتار دا بار. قۇجاتقا سايكەس، ەندى اقپاراتتىق جۇيە جەڭىلدىكتەرگە قۇقىعى جوق ازاماتتاردىڭ وسى ساناتتارىنان تۇسكەن وتىنىشتەردى اۆتوماتتى تۇردە قابىلدامايدى. ماسەلەن، كارانتيننىڭ كۇشەيۋىنە بايلانىستى تولەمدى ستۋدەنتتەر مەن دەكرەتتەگى انالار الا المايدى.
سونىمەن قاتار، اقىسىز دەمالىسقا جىبەرىلگەن قازاقستاندىقتاردىڭ وتىنىمدەرى اۆتوماتتى تۇردە قابىلدانبايدى - ولاردىڭ دەرەكتەرىن جۇمىس بەرۋشىلەر ەنگىزۋى كەرەك.
ءوتىنىشتى تەك جۇمىس بەرۋشى قايتىس بولعان جاعدايدا عانا تاپسىرۋ كەرەك. ءولىم فاكتىسىن قۇجاتپەن دالەلدەۋدىڭ قاجەتى جوق. بارلىق مالىمەتتەر اقپاراتتىق جۇيەلەرگە ەنگىزىلگەن.
ەگەر ءسىز بۇرىن جۇمىس بەرۋشىنىڭ قايتىس بولۋىنا بايلانىستى ءوزىڭىز ءوتىنىم بەرىپ، تولەم الا الماساڭىز، شەشىمنىڭ قايتا قارالۋىنا ءوتىنىش تاستاي الاسىز.
مۇنداي وتىنىشتەر اعىمداعى جىلدىڭ 1- جەلتوقسانىنا دەيىن قابىلدانادى.