بۇگىنگە دەيىن قانشا قازاقستاندىق 42500 تەڭگە ءبىرجولعى تولەمىن الدى

نۇر-سۇلتان. قازاقپارات - بۇگىنىگى كۇنگە دەيىن تابىسىنان ايىرىلعان جاعدايدا مەملەكەتتىك الەۋمەتتىك ساقتاندىرۋ قورىنان (بۇدان ءارى – م ءا س ق) ەڭ تومەنگى جالاقى - 42500 تەڭگە مولشەرىندە ءبىرجولعى تولەم تاعايىنداۋعا ازاماتتاردان 2,4 ميلليون بىرەگەي ءوتىنىش قابىلداندى، دەپ حابارلايدى قازاقپارات ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ باسپا ءسوز قىزمەتىنە سىلتەمە جاساپ.

تولەم 2 ميلليون 158 مىڭ ادامعا تاعايىندالدى. اقشالاي قاراجات 2 ميلليون 142 مىڭ قازاقستاندىققا اۋدارىلدى. م ءا س ق-تان تولەم الۋعا وتىنىمدەر بىرنەشە ارنالار ارقىلى قابىلدانادى. 2,4 ميلليون ءوتىنىمنىڭ ىشىندە:

- 833,8 مىڭ ادام پرواكتيۆتى فورماتتا تولەم تاعايىنداۋعا كەلىسىم بەردى؛

- 609,3 مىڭ ادام Egov.kz پورتالى جانە telegram-بوتتار ارقىلى؛

- 347,4 مىڭ ادام 42500.enbek.kz پورتالى ارقىلى؛

- 628,9 مىڭ ادام ەكىنشى دەڭگەيدەگى بانكتەردىڭ موبيلدىك قوسىمشالارى مەن ينتەرنەت- رەسۋرستارى ارقىلى ءوتىنىش بەرگەن. ازاماتتاردىڭ ساناتتارى بولىنىسىندە: - 833,8 مىڭ ءوتىنىش ءبىرىڭعاي جيىنتىق تولەم تولەۋشىلەردەن بەرىلدى (پرواكتيۆتى فورماتتا)؛

- 206,7 مىڭ ءوتىنىشتى جالدامالى قىزمەتكەرلەرى ءۇشىن جۇمىس بەرۋشىلەر بەردى؛ - 1 ميلليون 379 مىڭ ءوتىنىش ازاماتتاردىڭ باسقا ساناتتارىنان كەلىپ ءتۇستى (جەكە كاسىپكەرلەر؛ جەكە پراكتيكامەن اينالىساتىن ادامدار؛ ازاماتتىق- قۇقىقتىق سيپاتتاعى شارتتار بويىنشا تابىس الاتىن جەكە تۇلعالار) . تولەم 2 ميلليون 158 مىڭ ادامعا تاعايىندالدى. اقشالاي قاراجات 2 ميلليون 142 مىڭ قازاقستاندىققا اۋدارىلدى. بۇل رەتتە قازاقستان اۋماعىندا كارانتيننىڭ 2 اپتاعا سوزىلۋىنا بايلانىستى م ءا س ق- تان ءبىرجولعى تولەم الاتىن 799,6 مىڭ ادامعا قوسىمشا 0,5 ەڭ تومەنگى جالاقى (بۇدان ءارى – ە ت ج) - 21250 تەڭگە تاعايىندالدى. وسى باعىتتاعى جۇمىس جالعاسۋدا. جاقىن ارادا اقشالاي قاراجات ازاماتتاردىڭ شوتتارىنا اۋدارىلادى.

بۇعان دەيىن حابارلانعانداي، 2020 -جىلدىڭ شىلدەسىندە ءماسق- تەن ءبىرجولعى تولەم العان قازاقستاندىقتارعا كارانتيننىڭ ۇزارتىلۋىنا بايلانىستى قوسىمشا اقى اۆتوماتتى تۇردە تاعايىندالادى.

قايتا ءوتىنىش بەرۋدىڭ قاجەتى جوق.

كارانتين ۇزارتىلعاننان كەيىن ءبىرجولعى تولەم تاعايىنداۋعا العاش رەت ءوتىنىش بەرگەن ازاماتتارعا تولەم 1,5 ە ت ج نەمەسە 63750 تەڭگە (42500 + 21250 تەڭگە) مولشەرىندە تاعايىندالادى. ءوتىنىش قابىلداۋ 2020 -جىلدىڭ 1-قىركۇيەگىنە دەيىن جالعاسادى.