18:04, 30 - شىلدە 2020 | GMT +6
تامىزدا قازاقستاندىقتارعا 42500 تەڭگەنىڭ جارتىسى بەرىلەتىن بولدى
نۇر-سۇلتان. قازاقپارات - تامىزدا قازاقستاندىقتارعا 42500 تەڭگەنىڭ جارتىسى، ياعني 21250 تەڭگە بەرىلەتىن بولدى، دەپ حابارلايدى قازاقپارات ءتىلشىسى.
«بۇل ماسەلەگە قاتىستى پرەزيدەنتتىڭ تىكەلەي تاپسىرماسى بار: ەكى اپتاعا سوزىلعان كارانتينگە بايلانىستى تولەم مىندەتتى تۇردە جۇرگىزىلەدى. الايدا بۇرىنعى سومانىڭ جارتىسى، ياعني 42500 تەڭگەنىڭ جارتىسى - 21250 تەڭگەدەن بەرىلەدى. بۇل سومانى ءبىزدىڭ ازاماتتار مىندەتتى تۇردە الادى»، - دەدى ۇكىمەت باسشىسىنىڭ ورىنباسارى ەرالى توعجانوۆ و ك ق- دا وتكەن باسپا ءسوز ءماسليحاتىندا.
ەسكە سالا كەتسەك، كەشە مەملەكەت باسشىسى قاسىم-جومارت توقايەۆ ەپيدەميولوگيالىق احۋالدى تۇراقتاندىرۋ جونىندە كەڭەس وتكىزىپ، كارانتين شارالارىن ەكى اپتاعا ۇزارتۋدى تاپسىرعان بولاتىن. مەملەكەتتىك كوميسسيا وتىرىسىنىڭ قورىتىندىسى بويىنشا قازاقستاندا كارانتين شارالارى ەكى اپتاعا ۇزارتىلدى.