+7 (701) 759 90 19
-13 °С : نۇر-سۇلتان
-5 °С : الماتى
USD 425.05 EUR 509.29
RUB 5.58 CNY 64.66
جاڭالىقتار

42500 تەڭگە: ارۋجان ساين جاردەماقىنى بالا سانىنا قاراي تاعايىنداۋدى ۇسىندى

15 شىلدە 16:28
:ءبولىسۋ
42500 تەڭگە: ارۋجان ساين جاردەماقىنى بالا سانىنا قاراي تاعايىنداۋدى ۇسىندى

نۇر- سۇلتان. قازاقپارات - قازاقستان رەسپۋبليكاسى بالا قۇقىقتارى جونىندەگى ۋاكىل ارۋجان ساين داعدارىستا مۇقتاج وتباسىلارعا كومەك كورسەتۋ جولدارىن ۇسىندى، دەپ حابارلايدى قازاقپارات.

«كوپبالالى انالارعا، جالعىزباستى انالارعا بەرىلەتىن جاردەماقىلار تولىق كولەمدە تولەنىپ كەلەدى. مۇگەدەكتىك سىندى كۋالىكتىڭ مەرزىمى وتسە، ونى قايتا كۋالاندىرۋدىڭ قاجەتى جوق. اۆتوماتتى تۇردە ءۇش ايعا سوزىلادى. ال 42500 تەڭگە تولەممەن داۋلاسار ەدىم. ارينە، حالىقتى قولداۋ شارالارىمەن ەكونوميستەر اينالىسادى. دەگەنمەن، مەن بالالاردىڭ سانىنا قاراي كومەك كورسەتۋدى ۇسىنامىن. 42500 تەڭگە الاتىن ەرسەك ادامنىڭ ءبىر نەمەسە بىرنەشە بالاسى بولۋى مۇمكىن. رەسەيدىڭ تاجىريبەسىنە قارار بولساق، ونداعى جاردەماقى بالا سانىنا قاراي بەرىلەدى. مۇندا قيسىن بار دەر ەدىم. ويتكەنى 42500 تەڭگەمەن ءبىر ادام ءومىر ءسۇرۋى مۇمكىن، ءبىراق بىرنەشە بالاعا جەتكىزۋ مۇمكىن ەمەس» ، - دەدى ارۋجان ساين فەيسبۋكتە وتكەن Antikor.live كونفەرەنتسياسىندا.

سپيكەر بۇل ماسەلەنى جەدەل قاراستىرۋ قاجەتتىگىن اتاپ ءوتتى.

«ءبىز ءۇشىن كارانتين - كۇتپەگەن وقيعا بولدى. بۇل ناۋرىز- ساۋىردەگىدەي قاتاڭ كارانتين ەمەس، دەگەنمەن ونى قايتادان ەنگىزەتىنىن ەشكىم كۇتپەدى. ق ر قارجى مينيسترلىگى، ەڭبەك مينيسترلىگى تاراپىنان بۇل ماسەلەنى جەدەل تۇردە قاراستىرۋ قاجەت. رەسمي تۇردە بۇل ۇسىنىستى ەشقايدا جىبەرمەدىم. ءوز كوماندامىز ىشىندە عانا تالقىلادىق. بۇگىنگى ەفيردى پايدالانا وتىرىپ، كوپشىلىككە جاريالاعىم كەلەدى. رەسمي تۇردە قاجەت بولسا، ونى دا جىبەرەمىن» ، - دەدى ارۋجان ساين.

بۇعان دەيىن ارۋجان ساين پاندەميا كەزىندەگى بالالاردىڭ قۇقىعىن قورعاۋ جۇمىستارىن بايانداعان ەدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات