كارانتيندە جۇمىسسىز قالماسا دا، 42500 تەڭگەگە ءوتىنىم بەرگەندەر جازالانا ما؟
بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى.
«وسى ۋاقىتقا دەيىن جۇمىس ىستەپ كەلىپ، كارانتينگە بايلانىستى تابىسىنان قاعىلعان جالدامالى جۇمىسشىلار، ءوزىن-ءوزى جۇمىسپەن قامتىعاندار، جەكە كاسىپكەرلەر ءوتىنىم بەرە الادى. ال مۇنداي ساناتقا كىرمەيتىندەر الەۋمەتتىك تولەم الۋعا تىرىسپاي-اق قويۋلارىڭىزدى وتىنەمىن. بۇل - جاۋاپكەرشىلىك. وسى جولى پورتالدىڭ تومەنگى جاعىندا ءاربىر ادام وقىپ، شەكتەۋ شارالارىنا بايلانىستى كىرىسىنەن ايىرىلعانىن راستايتىن بەلگىنى بەلگىلەۋى ءتيىس بولادى. ول ۇسىنعان مالىمەتتەرى ءۇشىن موينىنا جاۋاپكەرشىلىك الادى»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگ بارىسىندا.
وسى رەتتە ول الەۋمەتتىك تولەم الۋعا قۇقىعى جوق ازاماتتارعا 42500 تەڭگە الۋ ءۇشىن ءوتىنىم بەرۋدىڭ قاجەتى جوق ەكەندىگىن ەسكەرتتى.
«وتكەن جولى جارتى جىل بۇرىن جۇمىس ىستەپ كەتكەن جۇمىس بەرۋشىسىنىڭ بيزنەس سايكەستەندىرۋ نومەرىن كورسەتىپ، ءوتىنىم بەرگەن ازاماتتار دا بولدى. ولارعا دا 42500 تەڭگەگە ءوتىنىم بەرمەۋدى ۇسىنامىز. جۇمىسسىز جۇرگەندەر جۇمىسپەن قامتۋ ورتالىقتارىنا جۇگىنگەنى دۇرىس. وندا تىركەلۋ ارقىلى ءوز جالاقىڭنىڭ شامامەن 40 پايىزى مولشەرىندە زاڭدى تولەم الۋعا بولادى»، - دەدى ءبىرجان نۇرىمبەتوۆ.