+7 (701) 759 90 19
12 °С : نۇر-سۇلتان
18 °С : الماتى
USD 412.55 EUR 468.66
RUB 5.79 CNY 58.80
جاڭالىقتار

جوعارى وقۋ ورنى مەن كوللەدج ستۋدەنتتەرى قانداي جاعدايدا 42500 تەڭگە الۋى مۇمكىن

14 شىلدە 17:45
:ءبولىسۋ
جوعارى وقۋ ورنى مەن كوللەدج ستۋدەنتتەرى قانداي جاعدايدا 42500 تەڭگە الۋى مۇمكىن

نۇر- سۇلتان. قازاقپارات - ستۋدەنتتەر ەكونوميكالىق بەلسەندى حالىققا جاتپاعاندىقتان الەۋمەتتىك تولەم الا الماۋى مۇمكىن. بۇل تۋرالى ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ ايتتى، دەپ حابارلايدى قازاقپارات ءتىلشىسى.

«42500 تەڭگە الەۋمەتتىك تولەمىندە ستۋدەنتتەر دەگەن بولەك سانات جوق. مىسالى ستۋدەنتتىڭ ستۋدەنت بولعانى ءۇشىن 42500 تەڭگە وتكەن جولى دا تولەنگەن جوق، بۇل جولى دا تولەنبەيدى. جالداما قىزمەتكەر، جەكە كاسىپكەر نەمەسە ءوزىن- ءوزى جۇمىسپەن قامتىعاندار شەكتەۋگە بايلانىستى تابىسىنان ايىرىلعاننان كەيىن تولەم تولەنەدى. ال بۇل ساناتقا ستۋدەنتتەر دە كىرۋى مۇمكىن. بۇعان دەيىن ايتقانىمداي، الداعى 1-2 كۇندە ەرەجەنى پىسىقتاپ بىتىرەمىز. ءبىراق وتكەندەگى تولەم تاجىريبەسىندە وسى ستۋدەنتتەرگە قاتىستى سۇراقتار ستۋدەنتتەرگە ەمەس، بىزگە ءتيىستى ورگاندار تاراپىنان بولدى»، - دەدى مينيستر ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ اتاپ وتۋىنشە، سول كەزدە ستۋدەنتتەرگە الەۋمەتتىك تولەم تولەۋ زاڭسىز دەگەن دە سوزدەر بولعان.

«سوندىقتان ونى ءالى پىسىقتاپ، الداعى 1-2 كۇندە كەڭەس جۇرگىزەمىز. بىزدەگى ەڭبەك نارىعىنا قاتىستى زاڭنامانى كوتەرىپ، ەڭبەك نارىعىنداعى كورسەتكىش، ادامداردىڭ مارتەبەسىن قاراساڭىزدار، ەكونوميكالىق بەلسەندى حالىق دەگەن بار. ولار: جۇمىس ىستەيتىندەر، جۇمىسسىزدار، ءوزىن- ءوزى جۇمىسپەن قامتىعاندار. ستۋدەنتتەر ەكونوميكالىق بەلسەندى حالىققا جاتپايدى. ولار قارتتارمەن، بالالارمەن، مۇگەدەك جاندارمەن قوسىلىپ، ەكونوميكالىق بەلسەندى ەمەس حالىق ساناتىنا جاتادى. بۇعان قوسا، ستۋدەنتتەردى جۇمىسسىز رەتىندە تىركەۋگە بولمايدى. مۇنان بولەك، مەديتسينالىق ساقتاندىرۋ زاڭى بويىنشا ولارعان جارنانى مەملەكەت تولەيدى. وسىلاردى نەگىزگە الا وتىرىپ، وتكەن جولى ستۋدەنتتەرگە تولەم جاساۋ دۇرىس بولمادى دەگەن پىكىرلەر بولدى. وسىلاردى پىسىقتاپ جاتىرمىز»، - دەدى ءبىرجان نۇرىمبەتوۆ.

دەگەنمەن، ونىڭ اتاپ وتۋىنشە، ستۋدەنت جالدامالى جۇمىس ىستەپ جۇرسە، وندا جۇمىس بەرۋشىسى قىزمەتكەرىنىڭ اتىنان ءوتىنىش بەرۋى كەرەك.

اۆتور: مارلان جيەمباي


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات