ءوزىن جۇمىسپەن قامتىعاندار 42500 تەڭگە الۋ ءۇشىن تاعى دا ءبىرىڭعاي جيىنتىق تولەم تولەمەيدى

نۇر- سۇلتان. قازاقپارات - ءوزىن جۇمىسپەن قامتىعاندار 42500 تەڭگە الۋ ءۇشىن تاعى دا ءبىرىڭعاي جيىنتىق تولەم تولەي مە؟ بۇل ساۋالعا ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ جاۋاپ بەردى، دەپ حابارلايدى قازاقپارات ءتىلشىسى.

«ءوزىن- ءوزى جۇمىسپەن قامتىپ جۇرگەن ازاماتتار وتكەن جىلى 42500 تەڭگە الۋ ءۇشىن بارلىعى ءبىرىڭعاي جيىنتىق تولەم تولەدى. بۇل جولى ونداي ب ج ت تولەۋدىڭ قاجەتتىلىگى بولمايدى. ونداي تالاپ قويمايمىز. وتكەندە تولەدىڭىز، سول جەتكىلىكتى بولادى. ول مالىمەتتەر بىزدە بار. سوندىقتان بۇل جولى وتىنىشتەرىڭىزدى بەرەسىزدەر. ءبىرىڭعاي جيىنتىق تولەمدى اي سايىن تولەپ جۇرگەندەرگە سۇراق جوق. ال ەندى توتەنشە جاعداي كەزىندە ءبىر رەت تولەم جاساعانداردى ءبىز ءوز تاراپىمىزدان جۇيەلەر ارقىلى تەكسەرىپ الامىز»، - دەدى مينيستر ورتالىق كوممۋنيكاتسيالار قىزمەتىندەگى بريفينگ بارىسىندا.

ونىڭ اتاپ وتۋىنشە، بۇل رەتتە اتالعان ساناتتاعى ازاماتتاردىڭ جۇمىسپەن قامتۋ ورتالىقتارى ارقىلى جۇمىسقا ورنالاسۋى، زەينەتاقى، جاردەماقىلار الۋى تەكسەرىلەدى.

ورتالىق كوممۋنيكاتسيالار قىزمەتىندەگى بريفينگ بارىسىندا مينيستر شىلدە ايىنا بەرىلەتىن 42500 تەڭگە الەۋمەتتىك تولەمدى تاعايىنداۋ ءۇشىن قانداي پورتالدار جۇمىس ىستەيتىندىگىن ايتىپ بەردى.

«وتكەندەگىدەي enbek.kz42500 پورتالى، ەلەكتروندى ۇكىمەت پورتالى جۇمىس ىستەيدى. ءوزىن- ءوزى جۇمىسپەن قامتىعان جەكە تۇلعالارعا تەلەگرام- بوتتار دا قىزمەت كورسەتەدى. بۇلاردىڭ بارلىعى جۇما كۇننەن باستاپ ىسكە قوسىلادى. وعان قوسىمشا كاسپي بانك پەن حالىق بانك تە ءبىزدىڭ پورتال سەكىلدى ينتەرنەت- رەسۋرستى ىسكە قوسىپ، حالىقتان ءوتىنىش قابىلداۋعا نيەت ءبىلدىردى. ونى دا ىسكە اسىرساق، سىزدەرگە ول تۋرالى بەيسەنبى كۇنى جاريا ەتەمىز»، - دەدى ءبىرجان نۇرىمبەتوۆ.

اۆتور: مارلان جيەمباي