جۇماعا دەيىن 42500 تەڭگەگە ءوتىنىم بەرىپ اۋرە بولماڭىزدار – نۇرىمبەتوۆ
«وسى جولى دا 42500 تەڭگە الەۋمەتتىك تولەمىنىڭ وپەراتورى رەتىندە مەملەكەتتىك الەۋمەتتىك ساقتاندىرۋ قورى بەلگىلەندى. ويتكەنى ءبىز وسى قوردىڭ قارجىلىق جاعدايى تۋرالى «قازىر شەكتەۋى، قيىن» دەپ ايتقانبىز. دەگەنمەن، بۇگىن شەشىم قابىلداندى. سوندىقتان ۇكىمەت ۇلتتىق بانكپەن بىرلەسىپ، وسى ءبىر اپتانىڭ ىشىندە سول الەۋمەتتىك قوردىڭ قارجىلىق ماسەلەسىن شەشۋى ءتيىس»، - دەدى مينيستر ورتالىق كوممۋنيكاتسيالار قىزمەتىندەگى بريفينگ بارىسىندا.
ونىڭ اتاپ وتۋىنشە، قوردىڭ قارجىلىق ماسەلەسى شەشىلگەنگە دەيىن ەڭبەك مينيسترلىگى وسى تولەمگە قاتىستى ەرەجەنى پىسىقتايتىن بولادى. سودان كەيىن ونى مەملەكەتتىك ورگاندارمەن كەلىسىپ، ادىلەت مينيسترلىگىندە تىركەۋى ءتيىس.
«وسى ۋاقىتتا ءبىز ءوزىمىزدىڭ اقپاراتتىق جۇيەمىزدى، پورتالدارىمىزدى سول ەرەجەگە سايكەستەندىرىپ، تەستىلەۋدەن وتكىزەمىز. ايانباي جۇمىس ىستەيمىز. جوسپارىمىزعا سايكەس، الداعى جۇما كۇنى پورتالدار وتىنىشتەردى قابىلداۋعا دايىن بولادى. ال دۇيسەنبى كۇننەن باستاپ، ياعني 20 - شىلدەدەن تولەمدەردى تاعايىنداۋعا كىرىسپەكپىز. سوندىقتان وسى جۇماعا دەيىن ەلەكتروندى ۇكىمەتكە جانە باسقا جەرلەرگە ءوتىنىش بەرىپ اۋرە بولماڭىزدار»، - دەدى ءبىرجان نۇرىمبەتوۆ.
اۆتور: مارلان جيەمباي