قازاقستانداعى جاڭا كارانتين: 42500 تەڭگە تولەم بەرىلە مە

None
None
نۇر- سۇلتان. قازاقپارات - ق ر پرەمەر- ءمينيسترىنىڭ ورىنباسارى ەرالى توعجانوۆ 5 - شىلدەدەن باستالاتىن ەكى اپتالىق كارانتين كەزىندە الەۋمەتتىك تولەم بەرۋ ماسەلەسىنە قاتىستى ايتتى، دەپ حابارلايدى قازاقپارات.

ورتالىق كوممۋنيكاتسيالار قىزمەتىندە وتكەن ونلاين باسپا ءسوز ءماسليحاتىندا 42500 تەڭگە الەۋمەتتىك تولەمگە قاتىستى سۇراق قويىلدى. ۆيتسە- پرەمەر توتەنشە جاعداي بولماعاندىقتان، بۇل تولەمگە زاڭنامالىق نەگىز جوق ەكەنىن اتاپ ءوتتى.

« 42500 تەڭگە كومەگى توقتادى. ءبىراق، ءالى تولىق جۇمىسقا شىعا الماي وتىرعان مەكەمەلەر بار. كاسىپ يەلەرى تابىس جوق بولعان سوڭ، بارلىق قىزمەتكەرلەرگە الەۋمەتتىك تولەۋ جاساي المايمىز دەيدى. مۇنداي جاعدايدا حالىققا ەندى الەۋمەتتىك تولەم جاسالا ما؟»، - دەپ سۇرالدى.

«بۇل - توتەنشە جاعدايمەن تىكەلەي بايلانىستى. ارى قاراي توتەنشە جاعداي توقتاتىلعاننان كەيىن، وعان ەشقانداي زاڭنامالىق نەگىزدەمە جوق. سوندىقتان ازاماتتار مۇمكىندىگىنشە قىزمەت ورىندارىندا جۇمىستارىن جالعاستىرۋى ءتيىس»، - دەدى ە. توعجانوۆ.

اۆتور: رۋسلان عابباسوۆ

سوڭعى جاڭالىقتار