42500 تەڭگە تولەم الا الماعان ازاماتتار نە ىستەۋى كەرەك

نۇر-سۇلتان. قازاقپارات - توتەنشە جاعداي كەزىندە 42500 تەڭگە الا الماعان ازاماتتاردىڭ بۇل الەۋمەتتىك تولەمدى الۋعا ءالى دە مۇمكىندىگى بار.

بۇل تۋرالى ق ر ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اقمادي سارباسوۆ ايتتى، دەپ حابارلايدى قازاقپارات ءتىلشىسى.

«توتەنشە جاعدايدىڭ توقتاتىلۋىنا بايلانىستى 2020 -جىلدىڭ 11-مامىرىنان باستاپ جاڭا وتىنىشتەردى قابىلداۋ اياقتالدى. سونىمەن بىرگە، «42500 تەڭگە» تولەمى تاعايىندالماعان جەكەلەگەن ازاماتتاردىڭ وتىنىشتەرىنە بايلانىستى ەڭبەك جانە حالىقتى الەۋمەتتىك قورعاۋ مينيسترلىگى مۇنداي تولەمدەردى تاعايىنداۋدىڭ ءىس-قيمىل سىزباسىن ازىرلەدى. بۇدان بۇرىن باس تارتۋ تۋرالى شەشىم قابىلدانعان «42500 تەڭگە» الەۋمەتتىك تولەمىن تاعايىنداۋ وتىنىشتەرىن قايتا قاراۋ ءۇشىن، اۋداندىق (قالالىق) شتابقا راستايتىن قۇجاتتارمەن بىرگە ءتيىستى ءوتىنىش بەرۋ كەرەك»، - دەدى اقمادي سارباسوۆ ورتالىق كوممۋنيكاتسيالار قىزمەتىندەگى بريفينگتە.

ونىڭ اتاپ وتۋىنشە، كارانتين ەنگىزىلگەن وڭىرلەردە ش و ب، ءىرى كاسىپكەرلىك، كوممەرتسيالىق ەمەس زاڭدى تۇلعالار جۇمىسشىلارىنىڭ اتىنان ءوتىنىش بەرە الادى. بۇل رەتتە ءوتىنىش تەك الەۋمەتتىك تولەم تاعايىنداۋدان باس تارتۋ (ونى توقتاتۋ) تۋرالى شەشىم قابىلدانعان قىزمەتكەرلەر ءۇشىن بەرىلەدى. الەۋمەتتىك تولەم تاعايىنداۋدان باس تارتۋ تۋرالى شەشىم قابىلدانعان جەكە كاسىپكەرلەر، جەكە تاجىريبەمەن اينالىساتىن ادامدار، بجت تولەۋشىلەر، ازاماتتىق- قۇقىقتىق سيپاتتاعى شارتتار بويىنشا جۇمىس ىستەيتىن ادامدار ءوز اتتارىنان بەرەدى.

«ۇسىنىلعان قۇجاتتاردى قاراعاننان كەيىن اۋداندىق (قالالىق) شتاب «42500 تەڭگە» الەۋمەتتىك تولەمىن تاعايىنداۋعا قۇقىعىنىڭ بارى نەمەسە جوعى تۋرالى قورىتىندى شىعارادى. وڭ قورىتىندى «ازاماتتارعا ارنالعان ۇكىمەت» مەملەكەتتىك كورپوراتسياسى بولىمشەسىنە بەرىلەدى. ول ء«وتىنىش بەرۋشىنىڭ ەلەكتروندىق ءىس ماكەتىن» قالىپتاستىرادى جانە دەرەكتەردى م ءا س ق فيليالىنا بەرەدى. م ءا س ق فيليالى الەۋمەتتىك تولەم تاعايىنداۋ نەمەسە تاعايىنداۋدان باس تارتۋ تۋرالى شەشىم قابىلدايدى. اۋداندىق (قالالىق) شتابتىڭ قورىتىندىسىمەن نەمەسە ءماسق فيليالىنىڭ شەشىمىمەن كەلىسپەگەن جاعدايدا، ءوتىنىش بەرۋشى راستايتىن قۇجاتتارىمەن اۋداندىق (قالالىق) شتابتىڭ جۇمىس ورگانى ارقىلى وبلىستىق (قالالىق) شتابقا جۇگىنەدى. سودان كەيىن قايتا قاراۋ پروتسەدۋراسى قايتالانادى. كارانتين تالاپتارىن ەسكەرە وتىرىپ، ادامداردىڭ جاپپاي جينالۋىنا جول بەرمەۋ ماقساتىندا وتىنىشتەر 2020 -جىلعى 1-جەلتوقسانعا دەيىن قارالاتىن بولادى»، - دەپ ءتۇسىندىردى ۆيتسە- مينيستر.