42500 تەڭگە الا الماعان قازاقستاندىقتاردىڭ وتىنىشتەرى قايتا قارالادى

نۇر- سۇلتان. قازاقپارات - 42500 تەڭگە الەۋمەتتىك تولەمى تاعايىندالماعان ازاماتتاردىڭ وتىنىشتەرىن قايتا قاراۋ ءتارتىبى بەكىتىلدى. بۇل تۋرالى قازاقپارات ەڭبەك مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.

«42500 تەڭگە» تولەمى تاعايىندالماعانمەن كەلىسپەيتىن ازاماتتاردىڭ وتىنىشتەرىنە بايلانىستى قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى توتەنشە جاعداي كەزەڭىندە تابىسىنان ايىرىلۋىنا بايلانىستى مەملەكەتتىك الەۋمەتتىك ساقتاندىرۋ قورىنان تولەمدەر تاعايىنداۋ قاعيدالارىنا جوعارىدا كورسەتىلگەن تولەم تاعايىندالماعان ازاماتتاردىڭ وتىنىشتەرىن قاراۋ الگوريتمىن رەتتەيتىن تۇزەتۋلەر ەنگىزدى» ، - دەلىنگەن مينيسترلىك حابارلاماسىندا. بۇرىن «42500 تەڭگە» الەۋمەتتىك تولەمىن تاعايىنداۋدان باس تارتۋ تۋرالى شەشىم قابىلدانعان وتىنىشتەردى قايتا قاراۋ ءۇشىن اۋداندىق (قالالىق) شتابقا راستايتىن قۇجاتتارمەن قوسا ءتيىستى ءوتىنىش بەرۋ قاجەت.

ءوتىنىش بەرىلەدى: جۇمىس بەرۋشى تاراپىنان - شوب، ءىرى كاسىپكەرلىك (كارانتين ەنگىزىلگەن وڭىرلەردە) ، كوممەرتسيالىق ەمەس زاڭدى تۇلعالار ءۇشىن. بۇل رەتتە ءوتىنىش تەك الەۋمەتتىك تولەم تاعايىنداۋدان باس تارتۋ (توقتاتۋ) تۋرالى شەشىم قابىلدانعان قىزمەتكەرلەر ءۇشىن بەرىلەدى. ءوز بەتىنشە - الەۋمەتتىك تولەمدى تاعايىنداۋدان باس تارتۋ (توقتاتۋ) تۋرالى شەشىم قابىلدانعان جەكە كاسىپكەرلەر، جەكە پراكتيكامەن اينالىساتىن ادامدار، ب ج ت تولەۋشىلەر، ازاماتتىق- قۇقىقتىق سيپاتتاعى شارتتار بويىنشا جۇمىس ىستەيتىن ادامدار.

راستايتىن قۇجاتتار تىزبەسى: قىزمەتكەرلەرى ءۇشىن قۇجاتتار بەرەتىن جۇمىس بەرۋشىلەر ءۇشىن: - جالاقىسى ساقتالمايتىن دەمالىسقا جىبەرۋ تۋرالى بۇيرىقتار؛

- جۇمىس بەرۋشىنىڭ ت ج كەزەڭىندە كىرىسىن جوعالتۋ فاكتىسىن راستايتىن قۇجاتتار (بانكتىك شوتتاردان ۇزىندىلەردى قوسا العاندا، قارجىلىق جانە وزگە دە ەسەپتىلىك، بۋحگالتەرلىك بالانس جانە باسقا قۇجاتتار) ؛

- مەملەكەتتىك كىرىستەر ورگاندارى قابىلداعان دەكلاراتسيا (م ك ك- مەن سالىستىرۋ ءۇشىن، 200 نىسان) .

ج ك جانە جەكە پراكتيكامەن اينالىساتىن ادامدار ءۇشىن:

- مەملەكەتتىك كىرىستەر ورگاندارى قابىلداعان دەكلاراتسيا (م ك ك- مەن سالىستىرۋ ءۇشىن، 200 نىسان) ؛

- تابىستىڭ جوعالتۋ فاكتىسىن راستايتىن قۇجاتتار (بانكتىك شوتتاردان ۇزىندىلەردى قوسا العاندا، قارجىلىق جانە وزگە دە ەسەپتىلىك، بۋحگالتەرلىك بالانس جانە باسقا دا قۇجاتتار) .

ا ق س شارتتار بويىنشا جۇمىس ىستەيتىن ادامدار ءۇشىن:

- زاڭدى تۇلعامەن جاسالعان جۇمىستاردى ورىنداۋعا (قىزمەت كورسەتۋگە) ارنالعان اقس شارتى. ۇسىنىلعان قۇجاتتاردى قاراعاننان كەيىن اۋداندىق (قالالىق) شتاب «42500 تەڭگە» الەۋمەتتىك تولەمىن تاعايىنداۋعا قۇقىعى بار/جوعى تۋرالى قورىتىندى شىعارادى. وڭ قورىتىندى «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق بولىمشەسىنە بەرىلەدى، ول «ءوتىنىش بەرۋشىنىڭ ەلەكتروندىق ءىس ماكەتىن» قالىپتاستىرادى جانە دەرەكتەردى م ءا س ق فيليالىنا بەرەدى. م ءا س ق فيليالى الەۋمەتتىك تولەم تاعايىنداۋ نەمەسە تاعايىنداۋدان باس تارتۋ تۋرالى شەشىم قابىلدايدى. اۋداندىق (قالالىق) شتابتىڭ قورىتىندىسىمەن نەمەسە ءماسق فيليالىنىڭ شەشىمىمەن كەلىسپەگەن جاعدايدا، ءوتىنىش بەرۋشى راستايتىن قۇجاتتارمەن اۋداندىق (قالالىق) شتابتىڭ جۇمىس ورگانى ارقىلى وبلىستىق (قالالىق) شتابقا جۇگىنەدى. وبلىستىق (قالالىق) شتاب «42500 تەڭگە» الەۋمەتتىك تولەمىن تاعايىنداۋ قۇقىعىنىڭ بار/جوعى تۋرالى قورىتىندى شىعارادى. وڭ قورىتىندى «ازاماتتارعا ارنالعان ۇكىمەت» مەملەكەتتىك كورپوراتسياسى» ك ە ا ق بولىمشەسىنە جانە ودان ءارى م ءا س ق فيليالىنا بەرىلەدى. كارانتين تالاپتارىن ەسكەرە وتىرىپ، ادامداردىڭ جاپپاي جينالۋىنا جول بەرمەۋ ماقساتىندا وتىنىشتەر 2020 -جىلعى 1 -جەلتوقسانعا دەيىن قارالاتىن بولادى.