13:44, 06 - ءساۋىر 2020 | GMT +6
جالاقى الىپ جۇرگەن، جۇمىسى بار ازاماتتار ج ك اشىپ، سول ارقىلى 42500 تەڭگە الۋعا تىرىسقان
نۇر-سۇلتان. قازاقپارات - 42500 تەڭگە الۋ ءۇشىن جەكە كاسىپكەرلىك اشىپ قويعان، جۇمىسى بار ازاماتتار دا بار.
بۇل تۋرالى ورتالىق كوممۋنيكاتسيالار قىزمەتىندە وتكەن ونلاين بريفينگتە ايتىلدى، دەپ حابارلايدى قازاقپارات ءتىلشىسى.
«42500 تەڭگە الۋ ءۇشىن جەكە كاسىپكەرلىك اشىپ قويعان، جۇمىسى بار ازاماتتار دا بار. ولار قازىر جۇمىس ىستەپ جاتىر جانە جالاقىسىن دا الىپ ءجۇر. ءبىراق جەكە كاسىپكەرلىك ارقىلى اتالعان تولەمدى العىسى كەلەدى. بۇلاي ەتۋ - دۇرىس ەمەس. ولاردىڭ جالاقى الىپ جاتقانى تۋرالى مالىمەت ءبىزدىڭ اقپاراتتىق جۇيەدە بار. ونداي وتىنىشتەر قابىلدانبايدى جانە مۇنداي ارەكەتكە بارماعاندارىڭىز دۇرىس»، - دەيدى ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ.