مينيستر 42500 تەڭگە الۋعا ءوتىنىم بەرەتىن بوت ىسكە قوسىلعانىن ايتتى

نۇر-سۇلتان. قازاقپارات – ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەن «ۇلتتىق اقپاراتتىق تەحنولوگيالار» اكسيونەرلىك قوعامى بىرلەسىپ، Telegram مەسسەندجەرىندە الەۋمەتتىك تولەم الۋ ءۇشىن ءوتىنىش بەرۋگە ارنالعان بوتتى ىسكە قوستى، دەپ حابارلايدى قازاقپارات ءتىلشىسى.

ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ مالىمەتىنشە، ول ءۇشىن Telegram مەسسەندجەرىنە كىرىپ، مىنا سىلتەمەگە وتەسىز.

بوت ارقىلى ءوتىنىم بەرۋ ءراسىمى بىرنەشە قادامنان تۇرادى:

ءوزىن-ءوزى جۇمىسپەن قامتۋشى ازامات ءۇشىن:

1. «ءوزىن-ءوزى جۇمىسپەن قامتۋشى» باتىرماسىن باسۋ؛

2. ءوز ج س ن-ىڭىزدى ەنگىزۋ؛

3. ەلەكتروندى پوشتاڭىزدىڭ مەكەنجايىن ەنگىزۋ؛

4. تەلەفونىڭىزدىڭ ءنومىرىن ەنگىزۋ؛

5. بانكتىك شوتىڭىزدىڭ ءنومىرىن ەنگىزۋ (IBAN)؛

6. ءوز ءوتىنىشىڭىزدى راستاۋ؛

7. بۇدان كەيىن سىزگە كەلەسى مازمۇندا حابارلامالار كەلەدى:

a. ءسىزدىڭ ءوتىنىمىڭىزدىڭ قابىلدانعاندىعى تۋرالى؛

b. ءسىزدىڭ ءوتىنىمىڭىزدىڭ تىركەۋ ءنومىرى؛

c. ءسىزدىڭ ءوتىنىمىڭىزدى وڭدەلگەنى تۋرالى جاۋاپ.

قىزمەتكەر ءۇشىن: 1. «قىزمەتكەر» باتىرماسىن باسۋ؛ 2. ءوز ج س ن- ىڭىزدى ەنگىزۋ؛ 3. ءسىز جۇمىس ىستەيتىن ۇيىمنىڭ ب س ن- ىن ەنگىزۋ؛ 4. ەلەكتروندى پوشتاڭىزدىڭ مەكەنجايىن ەنگىزۋ؛ 5. تەلەفونىڭىزدىڭ ءنومىرىن ەنگىزۋ؛ 6. بانكتىك شوتىڭىزدىڭ ءنومىرىن ەنگىزۋ (IBAN) ؛ 7. ءوز ءوتىنىشىڭىزدى راستاۋ؛

8. بۇدان كەيىن سىزگە كەلەسى مازمۇندا حابارلامالار كەلەدى:

a. ءسىزدىڭ ءوتىنىمىڭىزدىڭ قابىلدانعانى تۋرالى؛ b. ءسىزدىڭ ءوتىنىمىڭىزدىڭ تىركەۋ ءنومىرى؛ c. ءسىزدىڭ ءوتىنىمىڭىزدى وڭدەلگەنى تۋرالى جاۋاپ.

اۆتور: مارلان جيەمباي