قازاقستاندا تۇرىپ جاتقان قانداستاردا 42500 تەڭگە كومەك الا الادى

None
None
نۇر- سۇلتان. قازاقپارات - تۇرعىلىقتى مەكەنجايى جانە ىقتيارحاتى بار، تۇراقتى تىركەۋگە تۇرىپ، الەۋمەتتىك اۋدارىم جاساعان قانداستارىمىزعا دا (ورالماندارعا) قازاقستان رەسپۋبليكاسىنىڭ ازاماتتارىمەن بىردەي كومەك كورسەتىلەدى،

دەپ دۇنيەءجۇزى قازاقتارى قاۋىمداستىعىنىڭ باسپا ءسوز حاتشىسى سىرىمبەك تولەۋ ۇلى فەيسبۋك پاراقشاسىندا حابارلادى.

«قۇرمەتتى قانداستار، تولىق اقپارات الۋ ءۇشىن ءبىزدىڭ 1404 نومىردەگى بايلانىس ورتالىعىنا (دۇيسەنبى- جۇما، ساعات 09:00-18:00) حابارلاسۋعا بولادى نەمەسە سۇراقتارىڭىزدى وسى جەردە قويا الاسىزدار! «ق ر پرەزيدەنتىنىڭ «الەۋمەتتىك- ەكونوميكالىق تۇراقتىلىقتى قامتاماسىز ەتۋ جونىندەگى شارالار تۋرالى» 2020 -جىلعى 16 - ناۋرىزداعى № 286 جارلىعىنا بايلانىستى توتەنشە جاعداي كەزەڭىندە مىندەتتى الەۋمەتتىك ساقتاندىرۋ جۇيەسىنە قاتىسۋشىلارعا جانە نىسانالى جۇمىستاردى ورىنداۋ (قىزمەتتەردى كورسەتۋ) بولىپ تابىلاتىن ازاماتتىق- قۇقىقتىق سيپاتتاعى شارتتار بويىنشا كىرىس الاتىن، سالىق اگەنتتەرى ولار ءۇشىن مىندەتتى زەينەتاقى جارنالارىن تولەگەن جەكە تۇلعالارعا الەۋمەتتىك تولەمدەردى جۇزەگە اسىرۋ قاعيدالارىن بەكىتۋ تۋرالى قازاقستان رەسپۋبليكاسى ەڭبەك جانە الەۋمەتتىك قورعاۋ ءمينيسترىنىڭ 2020 -جىلعى 26 - ناۋرىز كۇنگى № 110 بۇيرىعىنىڭ 1 - تاراۋدىڭ 3 - تارماعىنىڭ 1-5 - تارماقشالارى جانە 3 - تاراۋدىڭ 12 - تارماعىنىڭ 1-2 - تارماقشالارىنا سايكەس كورسەتىلگەن ادامدارعا الەۋمەتتىك تولەم تاعايىنداۋ جۇزەگە اسىرىلادى» دەپ جازدى ول.

مالىمەتكە ساي، الەۋمەتتىك تولەمگە يە بولاتىن ادامدار 42500 تەڭگەنى الۋعا وتىنىشتەرىن ەكى ءتاسىل بويىنشا بەرە الادى:

1) جۇمىس بەرۋشى اتىنان وسى بۇيرىقتىڭ № 2-قوسىمشاسىن قولدانىپ بەرە الادى. وعان 1-تاراۋدىڭ 3-تارماعىنىڭ 1-5-تارماقشالارىنا سايكەس كورسەتىلگەن ادامدار جاتادى؛

2) ءوز اتىنان: ا) وسى بۇيرىقتىڭ № 3-قوسىمشاسىن قولدانىپ بەرە الادى. وعان 1-تاراۋدىڭ 3-تارماعىنىڭ 1-5-تارماقشالارىنا سايكەس كورسەتىلگەن ادامدار جاتادى؛ ب) وسى بۇيرىقتىڭ № 2-قوسىمشاسىن قولدانىپ بەرە الادى. وعان 3-تاراۋدىڭ 12-تارماعىنىڭ 1-2-تارماقشالارىنا سايكەس كورسەتىلگەن ادامدار جاتادى.

ول ءۇشىن ازامات ءوزىنىڭ ج س ن ءنومىرىن، جۇمىس بەرۋشىنىڭ ب س ن ءنومىرىن، ءوز اتى- ءجونى مەن بانكتەگى IBAN شوتىن، سونداي- اق، E-mail مەكەنجايىن تولتىرۋى ءتيىس. كەيىن «ازاماتتارعا ارنالعان ۇكىمەت» مەملەكەتتىك كورپوراتسياسى» حالىققا قىزمەت كورسەتۋ ورتالىقتارى ءوتىنىشتى تەكسەرىپ، شەشىم قابىلدايدى. ءوتىنىش بەرۋشى ءوز كەزەگىندە قابىلدانعان شەشىمدى SMS ارقىلى الادى.

سوڭعى جاڭالىقتار